स्थानीय तहको संख्या ७४४ बनाइने

फागुन २२,काठमाडौँ – स्थानीय तहको संख्या ७४४ बनाउने मन्त्रिपरिषद्को आइतबार साँझ बसेको बैठकले निर्णय गरेको छ ।

माओवादी र कांग्रेसबीच भएको सहमति अनुसार स्थानीय तहको संख्या ७४४ बनाउने निर्णय भएको हो ।

यसअघि स्थानीय विकासमन्त्री हितराज पाण्डे नेतृत्वको कार्यदलले स्थानीय तह थप्ने प्रस्ताव सहितको प्रतिवेदन मन्त्रिपरिषदमा बुझाएको थियो ।

कार्यदलले १० जिल्लामा १९ स्थानीय तह थप्ने प्रस्ताव गरेको थियो भने माओवादी र कांग्रेसबीच मधेसमा ४ र पहाडमा दुई थप्ने सहमति भएको थियो ।

यो संख्या बालानन्द पौडेल नेतृत्वको स्थानीय तह पुनर्संरचनासम्वन्धी आयोगले ७१९ स्थानीय तह सिफारिस गरेको थियो । जसमा मधेसी मोर्चाले असन्तुष्टि जनाएको थियो ।

त्यसपछि सरकारले अध्ययनका लागि कार्यदल गठन गरेको थियो ।

 

photo

NOC1-250x300