मोर्चाद्धारा आन्दोलनको घोषणा, स्थानीय चुनाब अनिश्चित

 Capture-275

काठमाडौं, चैत ३० – संयुक्त लोकतान्त्रिक मधेसी मोर्चाले सरकारले संसदमा दर्ता गराएको संविधान संशोधनको नयाँ प्रस्ताव अस्वीकार गरेको छ । तमलोपाको पार्टी कार्यालय बिजुलीबजारमा बसेको मोर्चाको बैठकले संविधान संशोनको नयाँ प्रस्तावले आफूहरुसँग सरकारले गरेको ११ बुँदे र २६ बुँदे माग सम्बोधन नगर्ने भन्दै अस्वीकार गर्ने निर्णय गरेको हो । 

सरकार र मोर्चाका घटकबीच यसअघि भएका विभिन्न सम्झौता नयाँ संविधान संशोधनको प्रस्तावले सम्बोधन नगर्ने र आफूहरुसँग सल्लाह नै नगरी सरकार जालझेल गर्ने तरिकाले अघि बढेकाले यो प्रस्ताव मान्य नहुने संघीय समाजवादी फोरम नेपालका अध्यक्ष उपेन्द्र यादवले बताउनुभयो । 

मोर्चाले माग पूरा नभएकाले चुनाव बहिस्कार गर्ने अडान कायमै राखेको छ । मोर्चाले शान्तिपूर्ण र अहिंसात्मक आन्दोलनलाई निरन्तरता दिने निर्णय गर्दै बिहीबार मधेसका सबै जिल्ला सदरमुकाममा जुलुस गर्ने भएको छ । 

यस्तै, वैशाख ३ गते जिल्लास्थित निर्वाचन कार्यालय घेराउ गर्ने र आन्दोलनका अरु कार्यक्रमपछि तय गर्ने सद्भावना पार्टीका सहअध्यक्ष लक्षमणलाल कर्णले जानकारी दिनुभयो । 

सरकारले मधेसी मोर्चा र एमाले दुवैलाई मान्य हुने भन्दै संशोधनको पुरानो विधेयक फिर्ता लिएर मंगलबार नयाँ विधेयक दर्ता गरेको थियो । तर मोर्चा र एमाले दुवैले यो प्रस्तावका बारेमा सरकारले आफूहरुसँग कुनै छलफल नै नगरेको बताउँदै आएका छन् ।

संविधान संशोधनको नयाँ प्रस्ताव मोर्चाले गर्‍यो अस्वीकार, आन्दोलनका कार्यक्रम सार्वजनिक

 

photo

NOC1-250x300