चैत २६ – यो वर्ष कपिल शर्मालाई फापेन । उनको स्थिती दिनप्रतिदिन बिग्रँदो छ । सहकर्मी सुनिल ग्रोवरसँगको उनको झगडा साम्य हुने नामै लिँदैन । दैनिकजसो हामीले उनीहरुबारे केही नयाँ जानकारी पाएका हुन्छौं तर स्थिती सप्रनुको साटो बिग्रँदो छ।
मिडियामा पुनः अर्को खबर फैलिएको छ । केही भारतीय मिडियाले दाबी गरे अनुसार सोनी टेलिभिजनले कपिल शर्माको कार्यक्रको साटो सुनिलको कार्यक्रमलाई स्थान दिएको छ ।
सुनिलले द कपिल शर्मा शो छोडेपटि कार्यक्रमको टिआरपी ह्वात्तै घटेको छ जुन सोनी टिभीका लागि स्विकार्य नभएको बताइएको छ ।
सुनिलको नयाँ कार्यक्रममा सोनी टेलिभिजनले अनुसन्धान गरिरहेको र त्यसबारे छलफल र कुराकानी भइरहेको जनाइएको छ । सुनिल ग्रोवरलाई अर्को टेलिभिजन च्यानल – कलर्सले नयाँ कार्यक्रमको लागि प्रस्ताव राखेको बताइएको छ । यद्यपी, उनले यो प्रस्तावलाई भने स्विकार नगरेको जानकारीमा उल्लेख छ ।
समाचार एजेन्सी डीएनए भन्छ, ‘सोनीसँग रिंकु भावी र डा। मसुर गुलाटीको भूमिकामाथि अधिकार छ र उनीहरुले यसमार्फत धेरै पैसा पनि कमाइरहेका छन् । त्यसकारण यी पात्रमार्फत् भिन्न कार्यक्रम बनाउने उनीहरुले सोच बनाइरहेका छन् ।’
