सोनाक्षी सिन्हाले गायिका सोना महापात्रालाई ट्विटरमा ब्लक गरिन्, किन ?

sona-sonakshi

काठमाडौं, १६ वैशाख — बलिउड अभिनेत्री सोनाक्षी सिन्हाले गायिका सोना महापात्रासँग ट्विटरमा झगडा गरेपछि ब्लक गरिदिएकी छन् ।

महापात्राले ब्लक गरिएको वालको स्क्रीनशट राख्दै लेखिन्, ‘हाहाहा । मैले यी प्रतिभा, लावण्य र बुद्धिमत्ताकी धनीलाई मैले फलो गरेकै थिइनँ ।’

सोनाक्षीले प्रसिद्ध अमेरिकी पपस्टार जस्टिन बीबरसँग मे १० मा मुम्बईमा लाइभ पर्फर्मेन्स गर्न लागेपछि यो विवाद जन्मेको हो ।

यसअघि अरमान मलिकले पनि सोनाक्षीसँग यसै विषयमा झगडा गरेका थिए । कैलाश खेरले सोनाक्षी म्युजिक कन्सर्टमा गाउन योग्य नभएको लेखेपछि अरमानले सही थापेका थिए ।

महापात्राले पछि इन्स्टाग्राममा लेखिन्, ‘राम्रो खबर के भने म्याडम अभिनेत्रीले कुनै पनि म्युजिक कन्सर्टमा अब तत्कालै शुरुवाती गीत गाउने छैनन् । उनी त टिभीका अवार्ड शोमा नाच्ने क्रममा लिपसिंक मात्र गर्नेछिन् ।’

सोनाक्षीले विवादपछि कन्सर्टमा नगाउने भनी आधिकारिक विज्ञप्ति निकालेपछि महापात्राको यो टिप्पणी आएको हो ।
देशमा प्रतिभाशाली गायकहरू हुँदाहुँदै सोनाक्षीले गाउनु अपमानजनक भएको महापात्राको व्यंग्य छ । सोनाक्षीले भने आफूलाई गायनमा रुचि भएको र यसका लागि कसैको अनुमति लिइरहनु नपर्ने भन्दै ट्विट गरेकी थिइन् ।

यसैबीच सोनाक्षीका भाइ लव सिन्हाले अरमान र अमाल मलिकलाई दिदीको आलोचना गरेकोमा भर्त्सना गरेका छन् ।

एजेन्सी

 

photo

NOC1-250x300