सुशान्तका ११ वर्षीया फ्यानले गरे आत्महत्या, आरोपपछि सलमानले पनि खोले मुख

असार ७, काठमाडौं : बलिउड अभिनेता सुशान्त सिंह राजपुतले आत्महत्या गरेको केही दिनमै उनका फ्यानहरुले पनि आत्महत्या गरिरहेको खबरहरु बाहिरिएको छ ।

सुशान्तका फ्यान रहेका उत्तर प्रदेशका एक ११ वर्षीय बालकले पनि आमाको सलको पासो लगाएर आत्महत्या गरेका छन् । उनको मृत्युसँगै सुशान्तका सम्झनामा आत्महत्या गर्नेको संख्या ५ पुगेको नवभारत टाइम्सले जनाएकाे छ ।

ती ११ वर्षीय बालक उत्तर प्रदेशको हापुड जिल्लामा सुशान्तको मृत्युपछि पीडामा थिए । परिवारका सदस्यका अनुसार ती बालक सुशान्तका ठूलो फ्यान थिए । उनको मृत्युबाट एकदमै दुःखी भएका थिए ।

यसअघि सुशान्तको मृत्युबाट निराश विशाखापट्टनममा २१ वर्षीय महिला र अंडमानस्थित पोर्ट ब्लेयरमा १५ वर्षीया किशोरीले फासी लगाएर आत्महत्या गरेका थिए। त्यसैगरी उत्तर प्रदेशको बरेली र विहारको पटनामा पनि एक–एक जनाले आत्महत्या गरेका गरिसकेका छन् ।

१४ जुनमा मुम्बईको बांद्रास्थित आफ्नो फ्ल्याटमा झुण्डिएको अवस्थामा सुशान्तको शव फेला परेको थियो । उनी पछिल्लो केही समययता डिप्रेशनमा थिए । प्रहरीले यो घटनामा १६ जनाको बयान लिएको छ । उनको निधनपछि भारतमा आत्महत्याको ट्रेण्ड बढेको बताइएको छ।

 

त्यस्तै यता विभिन्न आरोप लागेपछि सलमान खानले पनि मुख खोलेका छन् । सुशान्तसिंह राजपुतको निधनपछि बलिउडमा परिवारवाद र नातावादका विषयमा चर्को बहस भइरहेको छ। अभिनेता खानमाथि पनि यही आरोप लागेको छ ।

उनलाई सुशान्तको मृत्युको कारणको रुपमा समेत हेरिएको छ । बिहार मुजफ्फरपुर अदालतमा त सलमानसहित बलिउडका ८ जनाविरुद्ध मुद्दा नै परेको छ। आरोप तथा मुद्दाले सलमानमाथि दर्शकहरु पनि खनिएका छन्।

आफूमाथि अनेक खालका आरोप तथा मुद्दा लागेपछि सलमानले मुख खोलेका छन् । उनले आफ्ना फ्यानलाई सुशान्तको परिवार तथा फ्यानलाई साथ दिन अपिल गरेका छन्।

 
 

 

photo

NOC1-250x300