सिर्जना फाइनान्सको शाखा पथरीमा

नेपाल राष्ट्र बैंकबाट २०५६ सालमा ‘ग’ वर्गको वित्तीय कारोबार गर्ने ईजाजत पाएको सिर्जना फाइनान्स लिमिटेडले मोरङको पथरीशनिश्चरे नगरपालिकाको पथरी बजारमा १९ औ शाखा संचालनमा ल्याएकोे छ । २०७३ चैत्र १ गते देखि नै पथरीमा बैंकिङ कारोबार संचालन गरिरहेको उक्त शाखा को विधिवत उद्घघाट वैशाख २४ गते आईतबार भएको छ । फाईनान्सको उद्धघाटन पथरी उद्योग बाणिज्य संघका अध्यक्ष धनकुमार तामाङ र सिर्जना फाइनान्सका अध्यक्ष तथा उद्योग संगठन मोरङका उपाध्यक्ष सुयल प्याकुरेले गर्नु भएको छ ।
मोरङ, सुनसरी र सप्तरी गरी ३ जिल्ला कार्यक्षेत्र रहेको सिर्जना फाइनान्स लिमिटेडको केन्द्रिय कार्यालय विराटनगर उप–महानगरपालिकाको हनुमानदास रोडमा रहेको छ । बैंकिङ कारोबार संचालनको सुरुवात देखिनै निरन्तर मुनाफा दिईरहेको फाइनान्स सर्वसाधारणमा शेयर निष्काशन गर्ने पूर्वाञ्चलकै पहिलो वित्तीय संस्था रहेको पथरी शाखाका शाखा–प्रबन्धक अर्जुन खतिवडाले बताउनुभएको छ ।
उद्धघाटन समारोहमा बोल्दै सिर्जना फाइनान्सका अध्यक्ष तथा उद्योग संगठन मोरङका उपाध्यक्ष सुयल प्याकुरेले “नेपाल राष्ट्र बैंकको प्रत्यक्ष निर्देशन र सुपरिवेक्षणमा संचालित यस वित्तीय संस्थाले आफ्ना ग्राहकहरुलाई छिटो, छरितो र विश्वसनीय सेवाका लागि अत्याधुनिक बैंकिङ सुविधा प्रदात गर्दै आईरहेको” बताउनुभएको छ ।
फाइनान्सले शहरोन्मुख ग्रामिण क्षेत्रहरुमा शाखा विस्तार गर्दै निती अनुरुप पथरीशनिश्चरेको हरित नगरी पथरी बजारमा शाखा स्थापना गरिएकोमा पथरी उद्योग बाणिज्य संघका अध्यक्ष धनकुमार तामाङले शुभकामना ब्याक्त गर्नु भयो ।
फाइनान्सले मोरङको विराटनगर, कंचनबारी, कर्सिया, रंगेली, सलकपुर तथा डाँगीहाट, सुनसरीको दुहबी, चक्रघट्टी, सप्तरीको राजविराज, भारदह, कंचनपुर, कल्याणपुर तथा फत्तेपुर (सप्तकोशी)मा शाखा संचालन गर्दै आईरहेको छ ।  १६ वर्ष अघि स्थापना भएको सिर्जना फाइनान्सले गत चैत्र सम्मको वित्तीय विवरण सार्वजानिक गर्दै ३० करोड चुक्ता पूँजी र १३ करोड जगेडा कोष रहको जानकारी दिएको छ । यसैगरी फाइनान्सले २ अर्ब ८३ करोड रुपैंया निक्षेप संकलन गरी २ अर्ब ५३ करोड रुर्पैया कर्जा लगानी गरेकोे छ । फाईनान्सको संचालन मुनाफा १३ करोड ३ लाख रुपैंया रहेको जानकारी दिएको छ । १ महिनाभित्रै मोरङको कटहरी, नेताचौक, सुनसरीको इनरुवा, हरिनगरा, लौकही र सप्तरीको बोदेबर्साईन र पातोमा शाखा खोल्दै छ ।

 फाईनान्सले साधारण बचत खाताहरुमा सून्य मौज्दात, निःशुल्क एटिएम, निःशुल्क मोबाईल तथा एस.एम.एस. बैंकिङ, निःशुल्क एविविएस सुविधा, सन्ध्याकालिन काउन्टर, निःशुल्क चेक क्लियरिङ–ई.सि.सि, अन्तरबैंकिङ भुक्तानी–आई.पि.एस. सुविधा सहित वार्षिक न्युनतम ७ देखि ९ प्रतिशत सम्म र मुद्दती खातामा १३ प्रतिशत सम्मको उच्चतम ब्याजदर प्रदान गरिरहेको छ ।

नेपाल स्टोक एक्सचेन्ज लिमिटेडका अनुसार गएको तेस्रो त्रयमासमा ३७ दिन कारोबार भएको फाइनान्सको शेयरको अधिकतम मूल्य ६३४, न्यूनतम मूल्य ३५७, अन्तिम मूल्य ६२२ र कूल कारोबार शेयर संख्या ४६,२७३ रहेको छ । प्रतिशेयर ३६.५७ आम्दानी वार्षिक रहेको फाइनान्सको मूल्य–आम्दानी अनुपात १७, प्रतिशेयर नेटवर्थ १४४.२१, प्रतिशेयर कूल सम्पत्तिको मूल्य ११०२.०३ र तरलता २०.७१ रहेको तेश्रो त्रयमासको वित्तीय विवरणमा उल्लेख छ ।

 

photo

NOC1-250x300