सिरहामा प्रचण्डसँग टक्कर गर्नेले आफ्नै वडा जोगाएनन्

सिरहा– दोस्रो संविधानसभा निर्वाचनमा नेकपा माओवादी केन्द्रका अध्यक्ष पुष्पकमल दहाल ‘प्रचण्ड’ का निकटम प्रतिश्पर्धी एमालेका केन्द्रीय सदस्य लिलानाथ श्रेष्ठ स्थानीय तहको निर्वाचनमा आफ्नै वडा समेत जोगाउन असफल रहे । 
आफ्नै घर रहेको गोेलबजार नगरपालिका ७ नम्वर वडा समेत नेकपा माओवादी केन्द्रले हात पारेपछि एमाले बृतमा यसैको चर्चा सुरु भएको छ । 
यो वडामा माओवादी केन्द्रका तर्र्फबाट वडा अध्यक्ष उम्मेदवार जगत श्रेष्ठ बिजयी भएका छन् । दोस्रो संविधानसभामा माओवादी केन्द्रका अध्यक्षसँग तिव्र प्रतिस्पर्धामा रहेका कारण चर्चित बनेका श्रेष्ठले आफ्नै वडा समेत बचाउन नसकेपछि उनले ल्याएको मतको  विश्लेषण सुरु भएको छ । 
माओवादी केन्द्रबाट ७ नम्वर वडामा विजयी भएका जगत श्रेष्ठले ५४८ मत प्राप्त गरेका थिए भने निकटतम प्रतिद्धन्द्धी एमालेका हरिशरण ठाकुरले ४५५ मत प्राप्त गरेका थिए । 
गोलबजार नगारपालिकाका १३ वडामध्ये गणना भएका ७ मध्ये ६ वटा वडामा नेकपा माओवादी केन्द्र विजयी भएको छ । ५ नम्वर वडामा भने नेपाली काग्रेस विजयी भएको छ । 
गोलबजार नगारपालिकामा पनि नेकपा माओवादी केन्द्रका अध्यदेवनाथ साह अग्रस्थानमा छन् । केन्द्रलाई नेकपा एमालेका श्याम कुमार श्रेष्ठले पछ्याई रहेका छन् ।    

 

photo

NOC1-250x300