सर्वोच्चमा तीन न्यायाधीश सिफारिस

काठमाडौँ, भदौ २२ गते  । न्याय परिषद्ले सर्वोच्च अदालतमा तीन न्यायाधीश नियुक्तिका लागि सिफारिस गरेको छ। मङ्गलबार बसेको बैठकले रिक्त दुईसहित तीन पदमा सिफारिस गरेको हो। एक स्थानमा भने कायम मुकायम प्रधानन्यायाधीश दीपककुमार कार्कीको अवकाशपछि पदभार सम्हाल्ने गरी सिफारिस गरिएको परिषद् स्रोतले बतायो। सर्वोच्चमा हाल दुई न्यायाधीशको स्थान रिक्त छ। संवैधानिक व्यवस्थाअनुसार प्रधानन्यायाधीशसमेत २१ न्यायाधीश सर्वोच्चमा रहनेछन्। 

परिषद्ले नीता गौतम दीक्षित, विनोद शर्मा र डीएन पराजुलीलाई न्यायाधीशमा सिफारिस गरेको हो। दीक्षित हाल उच्च अदालत तुलसीपुरको मुख्य न्यायाधीश हुनुहुन्छ। शर्मा उच्च अदालत जनकपुरमा कायम मुकायम मुख्य न्यायाधीश हुनुहुन्छ। पराजुली नेपाल ल क्याम्पसका प्रमुख हुनुहुन्छ। हालै उहाँले वरिष्ठ अधिवक्ताको उपाधि पाउनुभएको थियो। कानुन र न्यायको क्षेत्रमा विशिष्ट योगदान पु-याएका व्यक्ति सर्वोच्चमा न्यायाधीश नियुक्त हुन सक्ने संवैधानिक व्यवस्था छ। तीनमध्ये एकको कार्यकाल भने संसदीय सुनुवाइ भएपछि पनि असोज १६ गतेपछि सुरु हुनेछ। कामु प्रधानन्यायाधीश कार्कीको कार्यकाल असोज १५ गतेसम्म रहेको छ। संविधानले पदावधि एक महिनाभन्दा कम रहेको अवस्थामा नयाँ सिफारिसका लागि बाधा गरेको छैन। अब संसदीय सुनुवाइको प्रक्रिया पूरा गरेपछि न्यायाधीशहरूको नियुक्ति हुनेछ। संसद्को कार्यकाल छोटो अवधि बाँकी रहेकाले सुनुवाइको सम्पूर्ण कार्यविधि पूरा गरेर निर्णय प्रक्रियामा जाने अवस्था कम छ। अहिले सुनुवाइमा पत्राचार भएपछि उजुरीका लागि नै १० दिनको समय दिने अभ्यास छ। 

न्यायाधीशको सर्ट लिस्ट

परिषद्ले मुख्य न्यायाधीश र न्यायाधीश नियुक्ति प्रक्रियाका लागि नामावली सर्ट लिस्ट गरेको  छ। पाँच मुख्य न्यायाधीशका लागि १५ र २७ न्यायाधीशका लागि ८१ जनाको नाम सर्ट लिस्टमा राखिएको छ। उच्चमा २७ न्यायाधीशका लागि २७७ जनाले आवेदन दिएका थिए। 

मुख्य न्यायाधीशको नियुक्तिको सर्ट लिस्टमा पर्ने उच्च अदालतका न्यायाधीशहरूमा केशवराज जोशी, गुणराज ढुङ्गेल, डिल्लीराज आचार्य, प्रमोदकुमार श्रेष्ठ वैद्य, प्रेमराज कार्की, प्रेमराज ढकाल, भानुभक्त शर्मा न्यौपाने, महेशप्रसाद पुडासैनी, माधवप्रसाद पोखरेल, डा. रत्नबहादुर बागचन्द, रमेशप्रसाद राजभण्डारी, रमेशबहादुर थापा, वीरबहादुर डाँगी, शारदा सुवेदी, सत्यमोहन जोशी थारू रहनुभएको छ। 

यस्तै २७ न्यायाधीशका लागि गरिएको सर्ट लिस्टमा अच्युतमकुमार भट्टराई, अरुणकुमार दुवे, अर्जुन अधिकारी, डा. अर्जुनकुमार खड्का, निर्मला अधिकारी भट्टराई, निर्मला पौडेल, नूर मोहम्मद मनिहार, नेत्रप्रसाद आचार्य, पुन्यशीला दवाडी घिमिरे, ब्रजेश प्याकुरेल, भीमकुमार श्रेष्ठ, यमबहादुर बुढामगर, राजुकुमार खतिवडा, विमल पौडेल, श्यामकुमार भट्टराई, स्वीकृति पराजुली, हरिराज कार्की, हरिशचन्द्र ढुङ्गानालगायत हुनुहुन्छ।    

प्रतिक्रिया दिनुहोस्
सम्बन्धित वर्गका समाचारहरू

बाबा मेनपावर बाट दुबई गएका दर्जनौं युवाहरू ४ महिनादेखि अलपत्र,नेपाल झिकाइदिन आग्रह

१२असोज,काठमाडौं । नयाँ बानेश्वरमा रहेको बाबा ह्युमन रिसोर्स म्यानेजमेन्ट प्रा.लि बाट मोटरसाइकल राईडिङमा काम गर्न

सरकार भ्रष्ट भयाे : रवीन्द्र मिश्र

By Peoplenepal काठमाडौँ, १२ असोज । राष्ट्रिय प्रजातन्त्र पार्टी (राप्रपा) का वरिष्ठ उपाध्यक्ष रवीन्द्र मिश्रले

मेयर बासुदेव थापाद्धारा नारायण भगवानको दश अवतार मन्दिर समुद्घाटन

१२ असोज,भक्तपुर । सुर्यविनायक नगरपालिका ७ गुण्डु कार्की गाउमा नव निर्मित नारायण भगवानको दश अवतार

अर्जुनबन्धु रेग्मीको दादागिरी,निर्माणकार्यको पैसा माग्दा ज्यानमार्ने धम्की

११असोज,काठमाडौं । सिन्धुज्वाला हाईड्रोका चियरम्यान अर्जुन बन्धु रेग्मीले हाइड्रोपावरको प्रिफ्याब भवन तथा मेसिनरीवाल निर्माण कार्य

सिन्धुज्वाला हाईड्रोमा ब्रम्हलुट,सेयर सदस्यको पैसाले चुर्नप्रसादको पेट्रोल पम्प

१० असोज,काठमाडौं । सिन्धुपाल्चोकको गुम्बा स्थित निसमखोलामा कार्यक्षेत्र हुने गरि दर्ता भएको ४३ मेगावाटको सिन्धुज्वाला

संघ र स्थानीय सरकार बलियाे पाराैं, प्रदेश खारेज गराैं: राजेन्द्र लिङ्देन

  आश्विन  १०, महोत्तरी / राष्ट्रिय प्रजातन्त्र पार्टीका अध्यक्ष राजेन्द्र लिङ्देनले कम्युनिष्ट र कांग्रेसका केही