सरकार, राजधानीका सडकमा धान रोप्ने, कि ?

Hilamme-sadak-300x225काठमाडौं — राजधानीका चिल्ला सडकमा सररर गुड्ने नेपालीका सपना त रहरमै सीमित भएका छन् । विकसित देशका ठूला शहरमा झण्डै २२ प्रतिशत हिस्सा सडकले ओगट्छ । तर नेपालमा चाहिँ १० प्रतिशत भूभाग पनि बाटोले ओगटेको छैन ।

यसबाटै स्पष्ट थाहा हुन्छ, यहाँका सडक अत्यन्तै साँघुरो छन् । सडक जाम भइरहन्छ । अझ कहिले सडक विस्तारको नाममा, कहिले मेलम्चीको पानीको नाममा त कहिले फाइबर तारको नाममा हरेक दिन काठमाडौंको बाटो ध्वस्त पार्ने काम हुन्छ तर आफ्नो काम सकिएपछि कुनै पनि निकायले बाटोको मर्मत गर्दैनन् ।

आजभोलि मौसमको ताल पनि सडककै जस्तो छ । कहिले घाम लाग्छ, कहिले पानी पर्छ । तर समस्या चाहिँ सर्वसाधारणले बेहोर्नुपर्छ । घाम लाग्ने बित्तिकै बुङ्बुङी धुलो उड्छ । पानी पर्नेबित्तिकै सडकका खाल्डाखुल्डी तालतलैयामा परिणत हुन्छन् ।

सम्बन्धित निकायहरू काम भइरहेकोले यस्तो समस्या हुने बताउँछन् तर सर्वसाधारणले समस्या चाहिँ झेलिरहनुपरेको छ । समस्या समाधानको लागि कोही पनि जिम्मेवार देखिँदैनन् ।

यो काठमाडौंको चावहिल मित्रपार्क आसपासको सडकको अवस्था हो । काठमाडौंवासीलाई मेलम्चीको पानी खुवाउन सडकका छेउकुना खन्न थालेपछि सर्वसाधारण पानी आउनुभन्दा दुई वर्षअघिदेखि नै धूलोधूवाँ खाइरहेका छन् । मेलम्चीले बाटो खन्छ, पाइप बिछ्याउँछ तर पाइप बिछ्याएपछि पुर्ने, सम्याउने काम गर्दैनन् ।

यसरी मेलम्चीको पानीको बहानाले काठमाडौंका धेरै ठाउँमा सर्वसाधारणले समस्या भोग्नुपरिरहेको छ । यही समस्याको कारणले राजधानीमा सडक दुर्घटनाको संख्या बढेको छ भने सर्वसाधारणको स्वास्थ्यमा पनि प्रतिकूल असर परिरहेको छ ।

सडकमा बिछ्याइएको पिच पनि निकै कमजोर छ, उप्किइरहन्छ । त्यही ठाउँमा पानी परेपछि सडक हिलैहिलो बनेको छ । मोटरसाइकल लिएर हुरुरु कुद्नेहरू साँझ घर फर्किंदा रोपाइँ गरेर आएजस्तै हुन्छन् । सर्वसाधारणलाई बाटो काट्नधरी समस्या छ ।

प्रतिक्रिया दिनुहोस्
सम्बन्धित वर्गका समाचारहरू

मंसिर ३ गते १८ बर्ष पुगे भोट हाल्न पाइन्छ

काठमाडौं, साउन २५गते, पीपुल नेपाल  । आगामी मंसिर ४ गते हुने प्रतिनिधिसभा र प्रदेश सभा

रास्ट्रपतिद्वारा नगरीकता बिधेयक फिर्ता हुने !

काठमाडौँ, २४ साउन । राष्ट्रपति विद्यादेवी भण्डारीले स्वार्थका लागि शासक वर्गले घुँडा टेकेका कारण  राष्ट्र

पुराना मुद्दा फर्स्योटका लागि छुट्टै इजलास

काठमाडौँ, २० साउन । सर्वोच्च अदालतले पाँच वर्षभन्दा पुराना मुद्दा फर्स्योट कार्ययोजना कार्यान्वयनमा ल्याएको छ ।

शहीद तथा वेपत्ताका परिवारलाई मासिक भत्ता

Bypeoplenepal. बाग्लुङ, १९ साउन । १० वर्षे शसस्त्र द्वन्द्वको उद्गम स्थलको रुपमा रहेको बागलुङको ताराखोलाका शहीद,

कर्मचारीको पेशागत सुरक्षा सुनिश्चित गर: एमाले

१४ श्रावण २०७९, बहालमा रहेका सबै कर्मचारीहरूलाई नियमित रुपमा काम गर्न पाउने गरी पेशागत सुरक्षा

हुँदैछ लुम्बिनीमा अन्तर्राष्ट्रिय बौद्ध सम्मेलन

बुटवल, १२ साउन । लुम्बिनीमा मंसिरमा अन्तर्राष्ट्रिय बौद्ध सम्मेलन हुने भएको छ । बुधबार बसेको