सरकारका दुई बर्ष कार्यकालको प्रगति विवरण बारे आज प्रधानमन्त्रीको संसदमा सम्बोधन

 

फागुन २, काठमाडौं । प्रधानमन्त्री केपी शर्मा ओलीले आज प्रतिनिधि सभामा सम्बोधन गर्ने भएका छन् । सरकारका दुईवर्षे कामकारबाहीबारे सदनलाई जानकारी दिन प्रधानमन्त्रीले सम्बोधनको समय माग गरेका हुन् ।  

प्रधानमन्त्रीका प्रेस सल्लाहकार सूर्य थापाका अनुसार संसदमा सम्बोधनको क्रममा प्रधानमन्त्रीले आफ्नो दुई वर्षे कार्यकालमा सरकारले गरेका काम र समसामयिक विषयबारे जानकारी दिने कार्यक्रम छ । प्रतिनिधि सभाको बैठक दिउँसो २ बजेका लागि बोलाइएको छ । वर्तमान सरकार बनेको फागुन ३ गते दुई वर्ष पूरा हुने भए पनि शनिबार परेका कारण शुक्रबार नै प्रधानमन्त्रीले सम्बोधन गर्न लागेका हुन् ।

तत्कालीन एमालेका अध्यक्ष रहेका ओली तत्कालीन माओवादी केन्द्रको समर्थनमा झन्डै दुई तिहाई बहुमतसहित प्रतिनिधिसभाबाट प्रधानमन्त्रीमा नियुक्त भएका थिए । सत्ता साझेदारीपछि तत्कालिन एमाले र माओवादीको पार्टी एकिकरण भएको थियो ।

 

photo

NOC1-250x300