संशोधनको नयाँ विधेयक आजै टुंगो लाग्नेमा अन्यौल

काठमाडौं, चैत २८ – प्रधानमन्त्री पुष्पकमल दाहालले मधेसी मोर्चासँग छलफल गरेर सोमबार संविधान संशोधनको नयाँ विधेयक टुंगो लगाउने तयारी गरेपनि अनिश्चित भएको छ ।

कांग्रेस सभापति शेरबहादुर देउवा काठमाडौं बाहिर हुनुभएकाले प्रस्ताव सोमबार नै टुंगो लाग्ने, नलाग्नेबारे केही भन्न नसकिने प्रधानमन्त्रीको सचिवालयले जनाएको छ । यसअघि प्रधानमन्त्रीले बिहान मोर्चासँग छलफल गरेर संशोधन विधेयक टुंगो लगाउने तयारी गर्नुभएको थियो ।

तर देउवाको उपस्थितिमा बैठक बस्ने तयारी भएको प्रधानमन्त्रीको निजी सचिवालयले जनाएको छ । कांग्रेस सभापति देउवा भने पार्टी कार्यक्रमको लागि धनगढी हुँदै दाङ पुग्नुभएको छ । त्यहाँ सोमबार सभा भएकाले उहाँ कुनबेला काठमाडौं फर्किने टुंगो छैन ।

सोमबार नै संविधान संशोधनको विधेयक मन्त्रीपरिषदबाट पारित गराएर संसदमा दर्ता गराउने प्रधानमन्त्री दाहालको तयारी छ । संसदमा यसअघि दर्ता भएको सिमांकनको हेरफेर सहितको संविधान संशोधन प्रस्तावमा सहमति जुट्न नसकेपछि प्रधानमन्त्रीले त्यसलाई फिर्ता लिएर नयाँ विधेयक दर्ता गर्ने तयारी गर्नुभएको हो ।

नयाँ विधेयकमा सिमांकनबाहेक सरकारी कामकाजको भाषा, मातृभाषा, नागरिकता र राष्ट्रियसभामा प्रतिनिधित्वको विषयलाई संशोधन गर्ने उल्लेख छ ।

विधेयकमा भाषा आयोगको सिफारिसमा केही मातृभाषालाई सरकारी कामकाजको भाषाको मान्यता दिने, नेपालीसंग विवाह गरेकी विदेशी महिलाले आफ्नो देशको नागरिकता त्याग्ने प्रक्रिया सुरु गरेपछि प्रचलित कानुन बमोजिम नेपालको वैवाहिक अंगिकृत नागरिकता पाउने, राष्ट्रियसभाको सदस्य चयनमा गाउँपालिका र नगरपालिकाका प्रमुख र उपप्रमुखले मतदान गर्न पाउने व्यवस्था हटाउने लगायत कुरा उल्लेख गर्ने सरकारको तयारी छ ।

पटकपटक बोलाउँदै सार्दैै गरिएको मन्त्रीपरिषद बैठक सोमबार पनि ३ बजेका लागि बोलाइएको हो । उपप्रधानमन्त्री विमलेन्द्र निधि भने प्रधानमन्त्रीपछिको बरियता आफुले नपाए मन्त्रीपरिषद बैठकमा सहभागी नहुने भन्नुभएको छ ।

प्रतिक्रिया दिनुहोस्
सम्बन्धित वर्गका समाचारहरू

समाजसेवी न्यौपानेले मातारेश्वर मन्दिरमा बाध्यवादन सामाग्रीको लागि नगद सहयोग हस्तान्तरण

१९ मंसिर,भक्तपुर । समाजसेवी एवं नेकपा(एमाले) भक्तपुर जिल्ला कमिटी सदस्य सहदेव न्यौपानेले सुर्यबिनायक नगरपालिका वडा

प्रदेशसभाको प्रत्यक्षमा संघीयतावादी माओवादी ५५ सिटमा खुम्चिदा,संघीयता विरोधी राप्रपाको ११ सिट

१९ मंसिर,काठमाडौं । मंसिर ४ मा सम्पन्न निर्वाचनको प्रदेशसभाको प्रत्यक्षतर्फ ३३० सिटमध्ये १११ सिट जितेर

राष्ट्रिय सौर्न्दर्यकर्मी युनियन काठमाडौं महानगरको अधिवेशन सम्पन्न,अध्यक्षमा करुणा पुरी

१८ मंसिर,काठमाडौं । नेपाल ट्रेड युनियन महासंघ(जिफन्ट) को सशक्त घटक युनियन राष्ट्रिय सौन्दर्यकर्मी युनियन नेपाल

विप्लवको पार्टी र धर्मेन्द्रको पार्टीका कार्यकर्ताबीच हानाहान !

मंसिर १८, भक्तपुर  ।  विप्लव नेतृत्वको नेपाल कम्युनिस्ट पार्टी र धमेन्द्र वास्तोला नेतृत्वको नेपाल कम्युनिस्ट

गठबन्धनको अस्थिर सरकार बनेमा नेपाली श्रम बजारमा झन ठूलो असर पर्छ : अध्यक्ष श्रेष्ठ

१७ मंसिर,काठमाडौं । नेकपा (एमाले) पोलिटब्युरो सदस्य एवं नेपाल ट्रेड युनियन महासंघ (जिफन्ट) का अध्यक्ष

भिभोद्वारा नेपालमा आफ्नो पाचौं वार्षिकोत्सव मनाउन सबैभन्दा ठूलो सेल्स कार्निभल आयोजना

१६ मंसिर,काठमाडौं । भिभो, एक विश्वव्यापी अग्रणी स्मार्टफोन ब्रान्डले आज नेपालमा आफ्नो ५ वर्ष पूरा