विप्लवको पार्टी र धर्मेन्द्रको पार्टीका कार्यकर्ताबीच हानाहान !

मंसिर १८, भक्तपुर  ।  विप्लव नेतृत्वको नेपाल कम्युनिस्ट पार्टी र धमेन्द्र वास्तोला नेतृत्वको नेपाल कम्युनिस्ट पार्टी बहुमत बीच आमने सामनेको हमला  हुन थालेको छ ।

विप्लव नेतृत्वको पार्टीले आफ्ना कार्यकर्तामाथि आक्रमण गरेको वास्तोला नेतृत्वको पार्टीले आरोप लगाएको छ । पार्टी अध्यक्ष समेत रहेका धमेन्द्र वास्तोलाले आफ्नो पार्टीको मुख पत्र भनेर चिनिने ईरातो खबरमा लामो लेख नै लेखेर आफूहरुमाथि विप्लव समुहले भौतिक आक्रमण गरेको आरोप लगाएका छन् । उनका अनुसार नेकपा बहुमतका कपिलवस्तु जिल्ला सचिवालय सदस्य टुकलाल पुनमाथि सांघातिक हमला भएको छ । ‘यो हर्कत उनको विक्षिप्त मनोदशा, आपराधिक प्रवृति, हिनताबोध, लघुताभास र नीचताको पराकाष्ट हो,’ वास्तोलाले लेखमा भनेका छन् ।

उनले विप्लवमा क्रान्तिकारी भावना लक्ष सबै विसर्जन भएको र आपराधिक गतिविधिमा लागेको उनको आरोप छ ।

‘क्रान्तिकारी लक्ष्य, भावना र उत्सर्गको विसर्जन भैसकेपछि तत्कालीन नेपाल कम्युनिस्ट पार्टी विसर्जित हुनु अनिवार्य थियो र विसर्जित पार्टी विप्लव–प्रकाण्ड गुटमा परिणत हुनु अनिवार्य थियो, भयो पनि । क्रान्तिकारी प्रतिष्ठा, जनताको विश्वास समाप्त भएपछि त्यो गुटमा आक्रोशको राग उम्लिएको छ, नक्कली अहंकारले राज गरेको छ र विक्षिप्त मनोदशा शरीरमा एसिडझैँ फैलिएको छ,’ उनले भनेका छन्,‘उनले नेपाल कम्युनिस्ट पार्टी (बहुमत) विरुद्ध जे वाणीहरू बौछार गरेका छन् त्यसले उनको मानसिक हीनता, निकृष्ट संस्कृति, कुण्ठा र वितृष्णाको भारी बोकेको छ । यसको अन्तिम परिणाम भनेको आपराधिक हर्कतमा उत्रनु हो । उनका हर्कतहरू अहिले त्यही दिशामा बढेका छन् ।’

गत कार्तिक २३ गते पुनमाछि विप्लव समुहले आक्रमण गरेको नेकपा बहुमतको आरोप छ । उनको टाउकोमा तीन ठाउँमा गहिरो घाउ लागेको, आँखा र कानको बीचमा रहेको हड्डी भाँच्चीको र दायाँ हात खुट्टामा समेत गम्भिर चोट लागेको उनीहरुको भनाई छ ।
यता विप्लव समुहले भने उक्त घटनामा आफ्नो कुनै समलग्नता नरहेको भन्दै घाइते पुनमाथि नै सांस्कृतिक तथा आर्थिक  विचलनको आरोप लगाएको छ। बिप्लब निकट एक नेताका अनुसार धर्मेन्द्रको पार्टीले बिप्लबको नाम जोडेेर व्यावसायिलाई धम्काउने र पैसा असुल्ने लगायत विभिन्न अराजनीतिक गतिविधि गरिरहेको प्रमाण हामीले पाएका छौ त्यो बारेमा छानबिन गरेर कार्वाही गर्न सरकारका संबंधित निकायले चासो देओस भन्ने हाम्रो चाहना हो। उनीहरुले हामीलाई लगाएको आक्रमणको आरोप मिथ्या हो भनि जवाफ दिएका छन्।

प्रतिक्रिया दिनुहोस्
सम्बन्धित वर्गका समाचारहरू

प्रधानमन्त्री प्रचण्डद्धारा लैनचौरमा रहेको सहिद स्मारकमा पुष्पगुच्छा अर्पण

१६ माघ, काठमाडौं । प्रधानमन्त्री पुष्पकमल दाहाल प्रचण्डले सहिद दिवसको अवसरमा लैनचौरमा रहेको सहिद स्मारक

अमर शहीद धर्मभक्त बारे केही कुरा

  १६ माघ,काठमाडौं । वि.सं. १९९७ साल माघ ११ गते बिहान काठमाडौं शहरबाट पशुपतिको दर्शन

अभिनेत्री तथा मोडल एलिजा गौतम नागरिक उन्मुक्ति पार्टीमा प्रवेश

१४ माघ, काठमाडौं । अभिनेत्री तथा मोडल एलिजा गौतम नागरिक उन्मुक्ति पार्टीमा प्रवेश गरेकी छिन

एमाले अध्यक्ष ओली र प्रधानमन्त्री प्रचण्डको बालुवाटारमा भेटवार्ता

१३ माघ, काठमाडौं । प्रधानमन्त्री पुष्पकमल दाहाल ‘प्रचण्ड’ र नेकपा एमालेका अध्यक्ष एवं पुर्व प्रधानमन्त्री

आत्मदाहको निर्णय हिजो देखिको निराशा र पिडाको परिणाम हो : गृहमन्त्री लामिछाने

११ माघ, काठमाडौं । गृहमन्त्री रवि लामिछानेले आत्मदाहको निर्णय हिजो देखिको निराशा र पिडाको परिणाम

राष्ट्रिय योजना आयोगको उपाध्यक्षमा डा.मिनबहादुर श्रेष्ठ नियुक्त

काठमाडौं, ९ माघ । राष्ट्रिय योजना आयोगको उपाध्यायक्षमा डा. मीनबहादुर श्रेष्ठ नियुक्त भएका छन ।