रेखादेखि श्रुती हसनसम्म ‘कुमारी आमाका चर्चित सन्तान’

काठमाडौं। पछिल्लो समय रेखाको चर्चा निकै चलेको छ। राइटर यासेर उस्मानको किताब रेखा द अनटोल्ड स्टोरीका कारण उनको चर्चा बढेको हो। यो पुस्तक आउनुअघि धेरैलाई थाहा थिएन उनी कुमारी आमाकी सन्तान हुन् भन्ने तथ्य। रेखाकी आमा पुष्पावती लमिल र तेलुगु फिल्मकी एक्ट्रेस थिइन्। उनले तमिल एक्टर जैमिनी गणेशनसँग धेरै फिल्ममा काम गरेकी थिइन् त्यही दौरानमा उनीहरुको अफेयर भयो। यो जोडीले दुई छोरी जन्माए रेखा र राधा। दुई छोरीमध्ये रेखाको जन्म उनीहरुको विवाहभन्दा पहिल्यै भएको थियो।

त्यस्तै श्रुती हसन पनि कुमारी आमाकी सन्तान हुन्। तमिल सुपरस्टार कमल हसन र सारिकाकी छोरी श्रुतीको जन्म हुँदा पनि उनका मातापिताको विवाह भएको थिएन। श्रुतीको जन्म भएको दुई वर्षपछि मात्र कमल र सारिकाको बिहे भएको थियो। कमल हसन आफ्नी पहिलो पत्नी वाणीसँग सम्बन्धविच्छेदपछि सारिकासँग नजिकिएका थिए। सोही समयमा श्रुती हसनको जन्म भएको हो।  कमल हसन र सारिकाले बिहे गरेपछि अर्की छोरी अक्षरालाई जन्म दिएका थिए।

 बलिउडकी चर्चित डिजाइनर मसाबा गुप्तापनि कुमारी आमाकी सन्तान हुन्। उनकी आमा नीना गुप्ता र क्रिकेटर भिभिएन रिचार्डसको अफेयर पनि निकै चर्चित रह्यो। सोही सम्बन्धका बेला १९८९ मा मसाबाको जन्म भयो। नीनाले उनलाई एक्लै सिंगल मदरको रुपमा हुर्काएकी थिइन्।

 

 

photo

NOC1-250x300