रुसमा प्रदर्शनकारी र प्रहरीबीच झडप

२२ असोज, एजेन्सी : विपक्षि नेता नभाल्नीलाई सन दुई हजार अठारको राष्ट्रपतीय निर्वाचनमा उम्मेदवार बन्न दिनुपर्ने माग सहित रुसमा भएको प्रदर्शनमा दुई सयभन्दा बढि पक्राउ परेका छन् । रुसी राष्ट्रपति भ्लादिमिर पुटिनको ६५औं जन्मदिनका दिनका क्रममा विपक्षिले गरेको सरकार विरोधी प्रदशर्नमा दर्जनौ पक्राउ परेका हुन ।

pakrau-crime_NQOz96YXm9सेन्ट पीटर्सबर्गमा भएको विरोध प्रदर्शनमा प्रहरीसँग झडप समेत भएको छ । राजधानी मस्को र सेन्ट पीटर्सबर्ग लगायत धेरै ठाउँमा अनुमति नलिइ विपक्षीहरुले -याली निकालेका थिए । विपक्षी नेता नभाल्नी भने सार्वजनिक बैठकहरु आयोजना गर्दा मान्नुपर्ने नियम पटक पटक उल्लंघन गरेको आरोपमा बीस दिने जेल सजाय काटिरहेका छन् ।

रुसका निर्वाचन अधिकारीहरुले नभाल्नीको अर्को निलम्बित जेल सजायका कारण उनी मार्च महिनामा हुने निर्वाचनमा उम्मेदवार बन्न नपाउने बताउदै आएका छन् । पछिल्ला महिनाहरुमा नभाल्नीले रुसभर यात्रा गरेर चुनावी अभियान चलाउँदै आएका छन् । नभाल्नीले शनिबार पुटिनको गृह नगर सेन्ट पीटर्सबर्गमा हुने -यालीलाई संबोधन गर्ने कार्यक्रम थियो ।

 

photo

NOC1-250x300