रुपन्देहीमा पनि नयाँ शक्ति र फोरमवीच तालमेल

२८ वैसाख, बुटवल । नयाँ शक्ति नेपाल पार्टी र संघीय समाजवादी फोरमले रुपन्देहीमा पनि चुनावी तालमेल गर्ने भएका छन् । जिल्लामा पनि संयुक्त रुपमा एक भएर निर्वाचनमा जाने दुई दलले निर्णय गरेका हुन् ।

 

रुपन्देहीको भैरहवामा बसेको संयुक्त बैठकले केन्द्रको निर्णयअनुसार रुपन्देहीमा पनि एक भएर चुनाव लड्ने निर्णय गरेको हो ।

बैठकले रुपन्देहीका सबै नगरपालिका र गाउँपालिकाहरुमा संयुक्त रुपमा निर्वाचनमा जाने निर्णय गरेको नयाँ शक्ति नेपालका केन्द्रीय परिषद् सदस्य किस्मत विकले जानकारी दिए ।

निर्वाचनको मिति नजिकिदै गर्दा यी दुई पार्टीले संयुक्त रुपमा जिल्लास्तरिय निर्वाचन परिचालन मूल समितिसमेत गठन गरेको विकले जानकारी दिए ।

समितिमा महेन्द्र यादव, यज्ञ पोखरेल,देवेन्द्र पाण्डे,किश्मत बिक, निर्दोष अली,शारदा घिमिरे,रामू यादव,निलम यादव,रामऔतार यादव र फकुरदिन खँ रहेका छन् ।

जिल्लाका सबै नगरपालिका र गाउँपालिकाहरुमा समेत संयुक्त रुपमा निर्वाचन परिचालन गर्ने र जिल्लामा क्रियाशील राजनैतिक दलहरुसँग पनि वार्ता गरी बिचार मिल्ने भए सहकार्य गर्ने निर्णय समेत गरेको संघीय समाजवादी फोरमका जिल्ला अध्यक्ष महेन्द्र यादवले बताए ।

देश न ५ अन्तर्गतको रुपन्देहीमा जेठ ३१ मा दोश्रँे चरणको चुनाव हुँदैछ ।

 

photo

NOC1-250x300