रिलिजअगावै शाहरुखको फिल्मले कमायो एक सय १५ करोड

Shahrukh_Khan

मुम्बई । हालका दिनमा रिलिजअगावै स्याटलाइट राइट्स र म्यूजिक राइट्सका माध्यमबाट फिल्महरुले मोटो रकम कमाउँदै किर्तिमानहरु बन्दै गएको पाइन्छ । जहाँ रजनीकान्तको फिल्म ‘२.०’ र ‘बाहुबली २’ को पहिले नै टक्टर देखिएको थियो । उता शाहरुख खानको फिल्मले पनि रिलिज अगाडि नै कमाई गर्ने मामलामा किर्तिमान बनाइसकेको छ ।

बलिउड हंगामाको एक खबरका अनुसार शाहरुख खान र अनुष्का शर्माको आउँदै गरेको फिल्म ‘रौला’ ले रिलिजअगावै वितरण अधिकारको माध्यमबाट सय करोड कमाइसकेको छ र म्यूजिक राइट्स १५ करोडमा बिक्री भएको छ । अर्थात, शाहरुख खान र अनुष्का शर्माको यस फिल्मले रिलिजअघि नै एक सय १५ करोड कमाइसकेको छ ।

अझ अचम्मको कुरा त के छ भने यस फिल्मको न कुनै ट्रेलर वा टिजर रिलिज भएको छ न गीत नै, तर पनि फिल्मले एक सय १५ करोड कमाएर नयाँ तरिकाबाट नयाँ किर्तिमान बनाएको छ ।

‘रौला’ लाई इम्तियाज अलीले निर्देशन गरेका छन् ।

 

photo

NOC1-250x300