रातो कार्पेटको सट्टा क्वारेन्टाइनको चुकुल फेरिदिएको भए नारी बलात्कृत हुने थिइनन् कि ?

सांसद रंगमति शाहीले कोरोनाविरुद्ध सरकारी तयारीको आलोचना गरेकी छिन् । मंगलबार संसद बैठकको शून्य समयमा बोल्दै उनले सरकारसँग सबै सुविधा हुँदा पनि कोरोनाविरुद्ध कुनै तयारी गर्न नसकेको आरोप लगाइन् ।

उनले प्रश्न गरिन्, ‘यतिबेला रातो कार्पेट फेर्नभन्दा क्वारेन्टाइनटको ढोकाको चुकुल फेरिदिएको भए महिलाहरु बलात्कृत हुने थिएनन् । समयै सीमामा स्वास्थ्य परीक्षण गर्ने व्यवस्था गरिदिएको भए कोरोना संक्रमित बढ्ने थिएनन् ।’

के भनिन् रंगमति शाहीले ?

कोरोना भाइरसले पौष महिनामा मै खबर पठाएको थियो, ‘म भाइरस हुँ, भिसा चाहिँदैन, तयारी अवस्थामा बस्न ।’

तयारी गर्नका लागि सरकारसँग कुनै कुराको कमि थिएन । बहुमत, बजेट, कर्मचारी, सेना, प्रहरी, अरिङ्गाल मात्र होइन, प्रतिपक्ष पनि सँगै थियो ।

कमि थियो भने इच्छाशक्तिको कमि थियो । जनताले ज्यान जोगाउन छोडेर सरकारको ध्यान ४ करोड सांसदलाई दिएर सरकार टिकाउन छ । यो महामारीले विश्व हल्लिरहेको बेला हाम्रो सरकारलाई झाडापखालाको मात्र महसुस भएको छ ।

यतिबेला रातो कार्पेट फेर्नभन्दा क्वारेन्टाइनटको ढोकाको चुकुल फेरिदिएको भए महिलाहरु बलात्कृत हुने थिएनन् । समयै सीमामा स्वास्थ्य परीक्षण गर्ने व्यवस्था गरिदिएको भए कोरोना संक्रमित बढ्ने थिएनन् ।

क्वारेन्टाइनको व्यवस्थापन र स्वास्थ्य परीक्षण बढाइदिएको भए आज नेपालीले मृत्यूवरण गर्नुपर्ने थिएन ।

अब भदौसम्म ४० हजार संक्रमित बढ्छन् भनेर हाम्रो प्रधानमन्त्रीज्यू टाउको गनेर बस्नुभएको छ । टाउको गन्ने कि व्यवस्थापनमा लाग्ने ?

 

photo

NOC1-250x300