युभेन्ट्सलाई लगातार नवौं पटक सिरी ए फुटबलको उपाधि

इटालियन सिरी ए फुटबल अन्तर्गत गएराति सम्पन्‍न खेलमा जीत निकालेपछि युभेन्ट्सले उपाधि पक्का गरेको छ । साम्पडोरियालाई २-० ले हराएपछि युभेन्ट्स दुई खेल खेल्नु अगावै च्याम्पियन बनेको हो ।

घरेलु मैदानमा भएको खेलमा युभेन्ट्सका लागि क्रिस्टियानो रोनाल्डो र फेडेरिको बर्नाडेस्कीले एकएक गोल गरे । पहिलो हाफको इन्ज्युरी समयमा रोनाल्डोले गोल गर्दै युभेन्ट्सलाई अग्रता दिलाएका थिए भने दोस्रो हाफको ६७औं मिनेटमा बर्नाडेस्कीले गोल गर्दै युभेन्ट्सको अग्रता दोब्बर पारेका थिए ।

जीतसँगै युभेन्ट्सको ३६ खेलबाट ८३ अंक भएको छ ने पराजित साम्पडोरिया ४१ अंकसहित १५औं स्थानमा रहेको छ ।

सिरी ए फुटबलमा लगातार ९ पटक उपाधि जित्‍ने युभेन्ट्स एकमात्र टिम हो ।

 

photo

NOC1-250x300