एजेन्सी। रसियन मोडल क्याटरिना लक्टियोनोवाको मृत् शरीर इटली नजिकै समुद्र किनारमा भेटिएको छ। स्थानीय माझीले शरीर भेट्टाएका हुन्। इटिङ डिसअर्डरबाट ग्रसित यी मोडलको मृत्यु भएपछि आमाले सुटकेसमा बन्द गरेर समुद्रमा फालेकी थिइन्। २७ वर्षकी क्याटरिना एनारेक्सियाबाट पीडित थिइन्।

उनी इटलीमा आफ्नी आमासँग बस्थिन। आमा नर्स हुन्। इटलीबाट रुस फर्किएपछि आमाले आफूले कैयौं दिनसम्म छोरीको मृत शरीरलाई आफूसँगै राखेको बताएकी छिन्। छोरीको मृत्युले आफ्नो दिमागले काम नगरेको र आफूले छोरीको लाशलाई सुटकेसमा राखेर समुद्रमा फालेको उनले बताएकी छिन्। उनका साथीले प्रहरीलाई यस विषयमा बताएपछि प्रहरीले अनुसन्धान सुरु गरेको छ।