यसरी एमाले कार्यकर्ताद्धारा स्वास्थ्यमन्त्री थापामाथि दुव्र्यवहार

Gagan_Thapa

काठमाडौं, ३० वैशाख । स्वास्थ्य मन्त्रीगगन थापामाथि शनिबार बिहान दुव्र्यवाहार भएको छ ।

निजी गाडी चढेर काठमाडौंको कपनमा काँग्रेस कार्यकर्ताको घरमा पुगेका मन्त्री थापालाई एमाले कार्यकर्ताले दुव्र्यवाहार गरेका हुन् । कपनदेखि सुकेधारासम्म थापालाई लखेटिएको बताइएको छ । निर्वाचन आचारसंहिता विपरीत मतदातालाई प्रलोभन दिएको आरोप लगाउँदै एमाले कार्यकर्ताले मन्त्री थापालाई लखेटेका थिए । एमाले कार्यकर्ताको विरोध र नाराबाजी छलेर कपन जोरधारातिर जाने क्रममा मन्त्री थापाको निजी नम्बर प्लेटको गाडीमा ढुंगासमेत प्रहार भएको थियो ।

बुढानीलकण्ठ नगरपालिका वडा नम्बर १० स्थित जोरधारामा पुगेका थिए । एकजना समर्थकको घरभित्र रहेका मन्त्री थापा बाहिर निस्केर घरतिर जाने क्रममा एमाले कार्यकर्ताले घेराउ गरेका हुन् । मन्त्री थापाले भने आफूले आचारसंहिता उल्लंघन नगरेको र कार्यकर्ताको घरमा आएको बताएका थिए । उनले आफू यसरी घरमा जान पाइने प्रतिक्रिया गाडीभित्रैबाट दिए । काठमाडौं क्षेत्र नम्वर ४ को कपनमा नातामा हजुरबा पर्ने एक आफन्तहरुलाई भेटेर फर्कने क्रममा जोरधारा पछाडि आदर्शनगर टोलमा पार्टीका एक कार्यकर्ताको घरमा निर्वाचनको बारेमा छलफल गरेर थापा फर्किएका थिए ।

 

photo

NOC1-250x300