मेस्सी विना पनि बार्सिलोनाको जित, रियलमाथि दबाव

Barcelona-768x460२१ चैत, काठमाडौं । लिओनल मेस्सीको अनुपस्थितिमा बार्सिलोनाले ग्रानाडामाथि सहज जित हात पारेको छ र, लिग लिडर रियल मड्रिडमाथि दबाव कायमै राखेको छ ।

आइतबार राति भएको खेलमा बार्सिलोनाले १० खेलाडीमा सिमित ग्रानाडालाई ४-१ ले हराएको हो । ग्रानाडाको घरेलु मैदानमा भएको खेलमा बार्सिलोनाले ४४ औं मिनेटमा लुइस स्वरेजको गोलबाट अग्रता लिएको थियो ।

 

५० औं मिनेटमा घरेलु टोलीले बराबरी गोल फर्कायो । तर, ६४ औं मिनेटमा अलासरले गोल गर्दै बार्सिलोनालाई अग्रता दिलाए । ८२ औं मिनेटमा अग्बोले रातो कार्ड पाएपछि ग्रानाडा १० खेलाडीमा सिमित भयो ।

लगतै राकिटिकले गोल गरे । अतिरिक्त समयमा नेयमारले गोल गरेपछि बार्सिलोना ४-१ ले विजयी भएको छ ।

जितपछि बार्सिलोनाको २९ खेलबाट ६६ अंक भएको छ । लिग लिडर रियल मड्रिडको ६८ अंक छ र उसले एक खेल कम खेलेको छ ।

 

photo

NOC1-250x300