मेसीको २ गोलपछि बार्सिलोना ४–२ ले विजयी

i-750x422पहिलो हाफमा २–२ को बराबरीमा रोकिएको बार्सिलोनाका लागि दोस्रो हाफमा मेसी र आन्द्रेयी गोमेजले निर्णायक गोल गरे।

बार्सिलोना पहिलो हाफको २९ मिनेटमै स्तब्ध बन्न पुगेको थियो, जब म्यानचेस्टर सिटीबाट क्रृण सम्झौतामा आएका इलियाकुइम मानगालाले इभान राकिटिक र सर्जियो बस्क्युटको बीचबाट हेडिङ गर्दै भ्रमणकारी टोलीलाई पहिलो गोलको सफलता दिलाए।

तर, बार्सिलोना पहिलो गोल खाएको ६ मिनेटपछि नै खेलमा फर्कियो। ३५ मिनेटमा लुइस सुआरेजले ब्राजिलियन स्ट्राइकर नेइमारको पासमा गोल गरेपछि घरेलु टोली तुरुन्त खेलमा फर्किएको थियो।

भेलेन्सिया पहिलो हाफको खेल सकिन एक मिनेट बाँकी हुँदा स्तब्ध बन्यो। जब उसले पहिलो गोल गर्ने मानगालालाई गुमायो। मानगाला ४४ मिनेटमा सुआरेजलाई डिबक्स भित्र लडाएको आरोपमा दोहोरो पहेँलो कार्ड खादै मैदानबाट बाहिरिएका थिए। उनको सामान्य गल्तीका कारण बार्सिलोनाले पेनाल्टीको अवसर पायो। जसलाई मेसीले गोलमा परिणत गरे। मानगाला ३९ मिनेटमा पनि मेसीसँग विवादमा अल्झिएका थिए। उनलाई जसका कारण पहिले नै पहेँलो कार्ड देखाइएको थियो।

पहिलो हाफमा भेलेन्सियाले मानगालालाई गुमाए पनि उसले उत्कृष्ट प्रतिद्वन्दीविरुद्ध निर्धारित ४५ पछि थप गरिएको अर्को मिनेटमा गोल फर्काउन सफल भयो। भेलेन्सियाका लागि बराबरी गोल मुनिर अल हाद्धादीले गरे। उनले बार्सिलोनाको फितलो रक्षापंक्तिको फाइदा उठाउदै मेसीले पेनाल्टीबाट गोल गरेको अर्को मिनेटमै गोल गरे।

दोस्रो हाफपछि बार्सिलोनाले आफ्नो खेलमा निकै सुधार ल्यायो। उसले रक्षापंक्ति मात्र होइन, आक्रामणलाई पनि तिब्र बनायो। नेइमार दोस्रो हाफपछि सबैभन्दा बढि प्रभावशाली रहे।

दोस्रो हाफको ८ मिनेटपछि नै मेसीले बार्सिलोनालाई पुनः अग्रता दिलाए। उनले आफ्नै देशका डिफेन्डर जाभियर मास्चेरानोको पासलाई गोलमा परिणत गरे। मेसीको गोलका कारण ५३ मिनेटमा बार्सिलोनाले ३–२ को अग्रता बनाएको थियो।

चौथो गोल गोमेजले नेइमारको उत्कृष्ट पासमा गरेका थिए। नेइमारले मैदानको मध्य भागबाट दौड्याउदै डिबक्स भित्रबाट क्रस गरेको बललाई अतिरिक्त खेलाडीको रुपमा खेलेका गोमेजले ८९ मिनेटमा गोलमा परिणत गरेका थिए। उनी ७४ मिनेटमा राफिन्हाको स्थानमा मैदानमा प्रवेश गरेका थिए।

भेलेन्सिया मानगालाको अनुपस्थितिमा ४६ मिनेट १० खेलाडीमा सिमिति भएर खेलेको थियो। भेलेन्सियाविरुद्धको जितपछि बार्सिलोना स्पेनिस ला लिगाको अंक तालिकामा रियल म्याड्रिडसँग २ अंकको दूरी बनाउन सफल भएको छ।

हाल रियल २७ खेलमा ६५ अंकका साथ शीर्षस्थानमा छ। बार्सिलोनाको २८ खेलमा ६३ अंक छ। आउँदो अप्रिल २३ मा हुने यी दुई देशबीचको ‘अल क्लासिको’ भिडन्तपछि लगभग निश्चित हुनेछ, यसपालिको ला लिगाको उपाधि कसले जित्छ भनेर।

प्रतिक्रिया दिनुहोस्
सम्बन्धित वर्गका समाचारहरू

अभिनय क्षेत्रबाट बिदा लिने तयारीमा बलिउड सुपरस्टार आमिर खान ।

२९ कार्तिक,काठमाडौं । बलिउड सुपरस्टार आमिर खान अभिनय क्षेत्रबाट बिदा हुने निर्णयमा पुगेका छन ।

नेपालको भारतमाथी ऐतिहासिक विजय

३१ भदौ,काठमाडौं। महिला साफ च्याम्पियनसिपमा भारतमाथि नेपालले ऐतिहासिक विजय हांसिल गरेको छ। घरेलु मैदान दशरथ

पुर्ब प्रधानन्यायाधीश चोलेन्द्रको बयान लिइदै

काठमाडौँ, १५ भदौ । महाअभियोग सिफारिस समितिले निलम्बित प्रधानन्यायाधीश चोलेन्द्र शमशेर राणासँग बुधबार बयान लिने भएको

वर्षाको कारण नेपाल र युएईबीचको खेल रोकियो

असार १०, काठमाडौं: एसीसी महिला टी–२० च्याम्पियनसिप अन्तर्गत नेपाल र युएईबीचको पहिलो सेमिफाइल खेल वर्षाका

मन्त्री छाेड्नु परे पार्टी छोड्ने धम्की आएपछी माधब नेपाल तनावमा

काठमाडौँ, २३ जेठ । नेकपा एकीकृत समाजवादी (नेकपा एस) सचिवालय बैठकले आफ्नो पार्टीका तर्फबाट सरकारमा

निर्वाचन आयोगको भिडियोमा टिकटक बनाउनोस्, ५० हजार जित्नोस् !

वैशाख १८, काठमाडौं: निर्वाचन आयोगले आसन्न स्थानीय तह निर्वाचनको सन्देशमूलक भिडियो प्रचार गर्नेसम्बन्धी प्रतियोगिता आयोजना