मेची महाकाली अभियान विथोल्न परासी बन्द,एमालेले गर्‍यो रुट नै परिवर्तन

k-1-750x487काठमाडौं,फागुन २९ – एमालेको राष्ट्रिय अभियानलाई विथोल्न मधेसी मोर्चाले आईतवार सदरमुकाम परासी बन्द गराएको छ । बन्दको कारण परासी क्षेत्रका पसल व्यवसाय र सवारीसाधन बिहानैदेखि चलेका छैनन् । एमालेको अभियान परासीहुँदै भैरहवा जाने कार्यक्रम तय गरेपछि मोर्चाले सदरमुकाम बन्दको आव्हान गरेको हो । सुरक्षा निकायले रुट परिवर्तन गरेको जानकारी पाएपछि मोर्चाले सदरमुकाम बन्दको कार्यक्रमलाई यथावत राख्दै बासाबसहीमा विरोध प्रदर्शन राखेको छ ।

बन्दका कारण शनिवार कावासोतीको आमसभापछि एमाले शिर्ष नेताहरु माधव कुमार नेपाल, झलनाथ खनाल, प्रदिप ज्ञवाली, इश्वर पोखरेललगायत कावासोतीमै छन् । कावासोतीबाट आउने शिर्ष नेताहरुको टोलीलाई बिरोध गर्न मोर्चाले बर्दघाट(भूमही सडकको बासाबसहीमा प्रदर्शनको तयारी गरेको छ ।
विरोध प्रदर्शन हुने भएपछि जिल्लास्थित सुरक्षा निकायले त्यस क्षेत्रमा नेपाल प्रहरी र सशस्त्र प्रहरीको ठूलो संख्या परिचालन गरेको छ । यसैबीच भैरहवाको कार्यक्रम विथोल्न त्यहाँको मोर्चाले पनि रुपन्देही बन्दको आव्हान गरेको छ । एमालले भने सुरक्षाको कारण देखाउँदै अभियानको रुट नवलपरासी सुरक्षा निकायले परिवर्तन गरेको छ । संयुक्त मधेसी मोर्चाले बिरोधका कार्यक्रम राखेपछि जिल्लास्थित सुरक्षा निकायले नवलपरासीको भूमहीबाट परासीहुँदै आईतवार भैरहवा जाने एमाले अध्यक्ष केपी ओलीसहितको शिर्ष नेताहरु सम्मिलित अभियानको रुट परिवर्तन गरेको हो ।

 

 

photo

NOC1-250x300