माग पूरा गराउन प्रधानमन्त्री निवासमा धर्ना

३ भदौ,काठमाडौ – त्रिभुवन विश्विविद्यालय अन्तर्गतका विभिन्न आंगिक क्याम्पसहरुमा कार्यरत आंशिक प्राध्यापकहरुले आफ्ना मागहरुप्रति विश्वविद्यालय तथा सरकार गम्भीर नभएको निष्कर्षसहित आज पनि प्रधानमन्त्री निवास बालुवाटारमा धर्ना दिएका छन् ।

Professor-Dharna-ma

नेपालका विभिन्न जिल्लाका त्रिवि आंगिक क्याम्पसहरुमा कार्यरत आंशिक प्राध्यापकहरुको सहभागिता रहेको धर्नामा बोल्ने वक्ताहरूले राज्य र विश्वविद्यालयबाट आंशिक प्राध्यापकहरुमाथि बौद्धिक शोषण भएको तथा उनीहरुको योगदानको कदर नभएको भन्दै यथाशीघ्र समस्या समाधान गर्न माग गरे ।

 

नक्सालस्थित भाटभटेनीबाट निक्लेको प्राध्यापकहरूको विरोध जुलुश प्रधानमन्त्री निवास छेउ पुगी धर्ना तथा कोणसभामा परिणत भएको थियो ।

कोणसभामा बोल्दै संघका अध्यक्ष शशीकुमार शर्मा, सहअध्यक्ष नरेन्द्र भण्डारी तथा वाग्लुंग,धनुषा, बुटवल, पोखरा लगायतका जिल्लाका प्रतिनिधि वक्ताहरुले आंशिक प्राध्यापकहरुमाथि राज्यद्वारा भइरहेको शोषण तथा अन्यायको अन्त्य गरी विश्वविद्ध्यालयलाई मर्यादित शिक्षाको केन्द्र बनाउनुपर्ने बताए ।

उता, नेपाल आंशिक प्राध्यापक संघले साउन १० गतेदेखि त्रिभुवन विश्वविद्यालय उपकुलपतिको कार्यालय अगाडि शुरु गरेको रिले अनसन २६ दिनदेखि आज पनि जारी छ । आफ्ना माग सम्बोधन नभएसम्म संघर्षका कार्यक्रमहरु जारी रहने संघले घोषणा गरेको छ ।

 

 

photo

NOC1-250x300