माओवादी केन्द्रले बोलायो हेडक्वार्टर बैठक

फागुन २१,काठमाडौं– संविधान संसोधन, स्थानीय तह पुनसर्रंचना आयोगको प्रतिवेदन एव्म स्थानीय तहको चुनावको तयारी लगायतका विषयमा छलफल गर्न सत्तारुढ दल माओवादी केन्द्रको वैठक आज बस्दैछ । वैठटक दिउँसो चार बजे प्रधानमन्त्री निवास बालुवाटारमा बस्नेछ ।

सरकारले बैशाख ३१ का लागि स्थानीय तहको चुनावको मिति घोषणा गरेको छ । तर, संविधान संसोधन लगायतका विषयमा मधेशी मोर्चाको असन्तुष्टिले चुनाव हुने–नहुँने अनिश्चता कायमै छ । यद्यपी प्रधानमन्त्री प्रचण्डले भने जुनसुकै हालतमा चुनाव गर्ने घोषणा गरेका छन् ।

शुक्रबार काभ्रेको कामिडाँडामा आयोजित जनसभालाई सम्बोधन गर्दै प्रधानमन्त्री प्रचण्डले स्थानीय तहको निर्वाचन कुनै हालतमा नरोकिने स्पष्ट पारेका थिए । ‘अहिले स्थानीय तहको निर्वाचन नगर्ने हो भने मंसीरमा प्रदेश र केन्द्रको निर्वाचन गर्न सकिँदैन । संघीयता नचाहने र मन नपराउनेहरु स्थानीय तहको निर्वाचन नहोस् भन्नेमै छन् । सिंहदरबारको अधिकार गाउँ, टोलसम्म पुगेको उनीहरु देख्न चाहँदैनन् ।’ प्रधानमन्त्रीले चुनाव सुनिश्चता गर्दै भनेका थिए, ‘संविधानको जननी माओवादी हो, रगतसँग साटिएको संविधान कार्यान्वयन गर्ने जिम्मेवारी पनि माओवादीकै हो, त्यसैले स्थानीय तहको निर्वाचन कुनै हालतमा रोकिँदैन, रोक्न सकिँदैन ।’

 

photo

NOC1-250x300