महिला फ्यानले हद गरेपछि बरुणले दिए प्रहरीमा उजुरी

बलिउड अभिनेता वरुण धवनले आफ्नी एक महिला फ्यान विरुद्ध उजुरी दिएका छन् । फोनमार्फत उक्त फ्यानले म्यासेजको रिप्लाई नगरेको भन्दै आत्महत्या गर्ने धम्की दिए पश्चात धवनले उजुरी दिएका हुन् ।

th

केही समय अघिबाट वरुणले एउटा महिला फ्यानबाट ‘वाट्स एप’मा थुप्रै म्यासेज प्राप्त गर्दै आएका रहेछन् । उक्त फ्यानबाट आजित भएका वरुणले त्यो नम्बरलाई नै ‘ब्लक’ गरिदिए । तर, केही दिन पश्चात वरुणलाई कुनै अपरिचित नम्बरबाट ‘वाट्स एप’मा प्रतिकृया नदिए आत्महत्या गर्ने धम्की दिँदै फोन कल आएको थियो । उक्त म्यासेजले विरक्तिएका उनले प्रहरीलाई उजुरी दिएका हुन् ।

प्रहरीले ‘ती महिला फ्यानले फोन र म्यासेज गरेको हो’ भन्ने कुरा पुष्टी गरेको छ । उजुरी पश्चात तत्कालै खोजी कार्य सुरू गरेको प्रहरीले उक्त नम्बर अहिले सम्र्पकवहिन भएको जनाएको छ । पछिल्लो समय फिल्म ‘जुडुवा २’ मा देखिएका वरुण हाल फिल्म ‘अक्टूबर’मा व्यस्त छन् ।

 

photo

NOC1-250x300