मन्त्री बस्नेतको एमालेलाई चेतावनी : प्रतिपक्षी हुँ भन्दैमा मनपरी बोलेर राजनीति नगर्नु

११ भदौ, दाङ – सामान्य प्रशासन मन्त्री टेकबहादुर बस्नेतले प्रधानमन्त्रीको भारत भ्रमणले दुई देश बीचको सम्वन्ध थप प्रगाढ बनाउन भूमिका खेलेको बताएका छन् ।

दाङमा भएको कार्यक्रममा माओवादी केन्द्रका नेता समेत रहेका मन्त्री बस्नेतले प्रधानमन्त्री शेरवहादुर देउवाको भ्रमणका सवालमा भिन्न ढंग कुरा उठाउनु गलत भएको बताए ।

प्रधानमन्त्रीको भ्रमणको क्रममा पुराना सन्धि सम्झौंताहरुको मात्रै पुनराबलोकन भएको तर, नयाँ सन्धि सम्झौंता केही नभएको मन्त्री बस्नेतले बताए । प्रतिपक्षी हुँ भन्दैमा राष्ट्रियताको सवालमा मनपरी बोलेर राजनीति नगर्न उनले प्रतिपक्षी एमालेलाई आग्रह गरे ।

त्यस्तै उनले सरकार अल्पमतमा छ वा यस्को विकल्प शुरु भइसकेको छ भन्नु गलत हुने बताए । ‘आक्कल झुक्कल र आंशिक रुपमा कुरा चल्नुको अर्थ छैन ।’ मन्त्री बस्नेतले भने, ‘यो सरकार परिवर्तनको जमिन बनेको छैन ।’

 

photo

NOC1-250x300