मन्त्रालयका सुपरभाइजरकै प्रमाण पत्र नक्कली !

महिला बालबालिका तथा समाज कल्याण मन्त्रालयका तत्कालीन सुपरभाईजर मनसरा शाहीको शैक्षिक प्रमाण पत्र नक्कली भएको पाइएको छ।

शाहीले नक्कली प्रमाणपत्रका आधारमा सरकारी सेवा सुविधा लिइरहेकाे ठहरसहित अख्तियार दुरुपयोग अनुसन्धान आयोगले उनी विरुद्ध विशेष अदालतमा मुद्दा दायर गरेको छ।

उनले माध्यमिक शिक्षा परिषद, क्षेत्रीय कार्यालय वाराणसि, भारतबाट प्राप्त गरेको ईन्टरमिडियट तहको शैक्षिक योग्यताको प्रमाण पत्र नक्कली रहेको अख्तियारको अनुसन्धानले देखाएको छ। शाहीले सोही प्रमाणपत्र पेश गरी महिला बालबालिका तथा समाज कल्याण मन्त्रालयमा रापअनं प्रथम श्रेणी, नेपाल विविध सेवा, सुपरभाइजर पदमा नियुक्ति लिइ सरकारी लाभ तथा सुविधा लिएकी थिइन्। 

शाही विरुद्ध नक्कली प्रमाण पत्र पेश गरी जागिर खाएको अख्तियारमा उजुरी परेको थियो।

 

photo

NOC1-250x300