मधेस रणनीति बनाउन तीन शीर्ष नेता छलफलमा

 

काठमाडौं– दोस्रो चरणको स्थानीय तहको निर्वाचन नजिकिँदै गर्दा मधेसमा आन्दोलन थालिएपछि प्रमुख तीन राजनीतिक दलका शीर्ष नेताहरु छलफलमा जुटेका छन् । 

निर्वाचन बहिष्कार गरेको राष्ट्रिय जनता पार्टीले मंगलबारदेखि थालेको चार दिने मधेस बन्दका कारण तराईको जनजीवन प्रभावित भएपछि प्रमुख तीन दलका शीर्ष नेता नयाँ रणनीति बनाउन छलफलमा जुटेका हुन् । प्रमुख तीन दल नेपाली काँग्रेस, नेकपा एमाले र माओवादी केन्द्रका शीर्ष नेताहरुबीचको छलफल सिंहदरबारमा चलिरहेको छ ।

प्रधानमन्त्री शेरबहादुर देउवा, एमाले अध्यक्ष केपी शर्मा ओली र माओवादी केन्द्रका अध्यक्ष प्रचण्डबीच आगामी निर्वाचन नै प्रभावित गर्ने गरी भएको राजपाको आन्दोलन रोक्ने तथा मधेस रणनीति बनाउनेबारेमा छलफल भइरहेको छ । 

 

photo

NOC1-250x300