मधेसमा हतियारसहित एमालेसभामा आक्रमणको योजना

Capture-178२२ फागुन, सप्तरी । मेची महाकाली अभियान लिएर मधेस पसेको एमाले र मधेसी मोर्चाबीच भयंकर भिडन्त हुने सम्भावना देखिएको छ । झापाबाट शनिबार सुरु भएको एमालेको अभियान रौतहट र सप्तरी पुग्दा भिडन्त गर्ने तयारी मधेसी मोर्चाले गरेको छ । एमालेको जुलुश सप्तरी पुग्दा आक्रमण गर्ने तयारीस्वरुप मधेसी मोर्चाका कार्यकर्ताहरु धमाधम भाटा चिरानमा व्यस्त रहेका छन् ।

रौतहटको गरुडामा एमालेमाथि आक्रमण गर्ने योजना मधेसी मोर्चाले बनाइरहेको सद्भावना पार्टीका रौतहट निवासी केन्द्रीय सदस्यले बताए । सप्तरीमा रामसपाका सचिवको अगुवाइमा भाटा चिरेर तयार पार्ने काम भैरहेको गोप्य जानकारी न्युजसेवालाई प्राप्त भएको छ ।

एमालेको जुलुश २३ गते सप्तरीमा पुग्ने र राजविराज र कञ्चनपुरमा जनसभा गर्ने कार्यक्रम छ । त्यही दिन जनसभा विथोल्नका लागि मधेसी मोर्चाका नेता तथा कार्यकर्ताले भाटा बनाएर तयार पारेका छन् । कालो झण्डा प्रदर्शन गर्नका लागि भाटा तयार पारेको भनिए पनि भाटा तयार पार्नुको भित्री योजना भने एमालेमाथिको प्रतिकार नै रहेको नाम उल्लेख नगर्ने शर्तमा मधेसी मोर्चाका एक नेताले बताए ।

एमालेको विरोधमा कालो झण्डा प्रदर्शन गर्ने योजना रहे पनि सप्तरीमा मधेसी मोर्चाको आक्रमणको तयारी भने निकै खतराजनक रहेको बुझिएको छ । यदि आफु माथि दमन भए सिमापारिबाट हतियारधारी मान्छे ल्याएर आक्रमण गर्नेसम्मको भित्री योजना रहेको गोप्य तयारी मोर्चाकै कार्यकर्ताहरुले गरेको गोप्य जानकारी प्राप्त भएको छ । एक दशकपहिले गौरमा भएको मानव नरसंहारलाई दोहोर्याउने रणनीतिमा मोर्चाका स्थानीय कार्यकर्ताहरु लागिरहेका छन् ।

यसअघि सप्तरीको जनसभाको तयारीमा राजविराज पुगेका एमाले सांसदमाथि मोर्चाका कार्यकर्ताले ढुङ्गामुढा गरेर आक्रमण गरेका थिए । पर्सामा शनिबार एमाले सांसदले मिलन चोकमा गर्न लागेको कार्यक्रम पनि मोर्चाका कार्यकर्ताले विथोलेका थिए ।  यस्तै सप्तरीमा एमालेका स्थानीय नेतामाथि कालोमोसो दलिएको थियो ।

यता एमाले पनि पछि हट्ने संकेत देखिएको छैन । रौतहट र सप्तरीमा एमाले र मोर्चाबीच भिडन्त रोक्न सुरक्षा निकायले पनि त्यतिकै तयारी गरेको छ । एमालेमाथि मोर्चाको आक्रमण रोक्न सुरक्षाकर्मीले बल प्रयोग गरे मोर्चाका कार्यकर्ता झनै भड्किने छन् र त्यसले झनै ठूलो भिडन्तको रुपले लिने विश्लेषण मधेसी नेताहरुले नै गरेका छन् ।
तमलोपाका अध्यक्ष महन्थ ठाकुरले समेत भिडन्त गर्ने चेतावनी शनिबार नै दिइसकेका छन् । एमालेले गलत समयमा मेचीमहाकाली अभियान चलाएको भन्दै प्रतिकार गर्ने चेतावनी उनले दिएका छन् । भिडन्तबाट हुने क्षतिको जिम्मेवारी पनि एमालेले नै लिनुपर्ने दावी ठाकुरले गरेका छन् ।

एमालेले शनिबार सुरु गरेको अभियानकै क्रममा पछि नहट्ने चेतावनी झापाबाटै दिएको छ । यो अवस्थाले मधेसमा ठूलो रक्तपातको सम्भावना नटर्ने अवस्था निम्तिएको छ । २०६४ सालमा गौरमा पनि दुवै पक्षको यही दम्भका कारण दर्जनौंले ज्यान गुमाउनुपरेको थियो । अहिले पनि दुवै पक्षको यही दम्भका कारण कहालीलाग्दो त्यस्तै घटना निम्तिँदै छ । यसका लागि सुरक्षा निकायले पहिल नै सचेतता अपनाएर सम्भावित नरसंहार रोक्न आवश्यक छ ।

 

प्रतिक्रिया दिनुहोस्
सम्बन्धित वर्गका समाचारहरू

भिभोद्वारा नेपालमा आफ्नो पाचौं वार्षिकोत्सव मनाउन सबैभन्दा ठूलो सेल्स कार्निभल आयोजना

१६ मंसिर,काठमाडौं । भिभो, एक विश्वव्यापी अग्रणी स्मार्टफोन ब्रान्डले आज नेपालमा आफ्नो ५ वर्ष पूरा

सुकुम्बासीहरुलाई तत्काल नहटाउन राष्ट्रिय भुमी आयोगको आग्रह

१६ मंसिर,काठमाडौं । राष्ट्रिय भुमी आयोगले राजधानी काठमाडौंलगायतका ठाउँहरुमा रहेका सुकुम्बासीहरुलाई अहिले नहटाउन आग्रह गरेको

प्रचण्डले विचार र सिद्धान्त छोड्दा सिद्धियो माओवादी !

नेपालमा २०५२ फागुन १ गतेबाट जनयुद्द शुरु भयो । नेकपा माओवादी केन्द्रका अध्यक्ष पुष्पकमल दाहाल

नेस्वहोमयु को ४२ औं वार्षिक उत्सव:श्रमजीवीहरुलाई एकतावद्ध आन्दोलनमा सरिक हुन अध्यक्ष श्रेष्ठको आव्हान

१३ मंसिर,काठमाडौं ।नेकपा (एमाले) पोलिटब्युरो सदस्य एवं  नेपाल ट्रेड युनियन महासंघ (जिफन्ट) का अध्यक्ष विनोद

आगामी पांच वर्षभित्रमा श्रमिकहरुको तलब २५ हजार पुर्‍याउने नेता बिष्णु रिमालको उदघोष

१२ मंसिर,काठमाडौं । नेकपा एमालेका उपमहासचिव एवं नेपाल ट्रेड युनियन महासंघ(जिफन्ट) का संरक्षक बिष्णु रिमालले

समानुपातिकतर्फ माओवादी केन्द्रलाई घण्टिले जित्यो,९० लाख मत गन्दा एमालेको अग्रता कायमै

११ मंसिर, काठमाडौँ । समानुपातिकतर्फ ९० लाख ९३ हजार ७६१ मत गणना हुँदा नेकपा(एमाले) को