भुलक्कडहरुका लागि अनौठो रेष्टुराँ, जहाँ रिसाउन बन्देज छ

bhulakkad-restura

कल्पना गर्नुहोस्त, तपाइँ कुनै रेष्टुराँमा जानुहुन्छ र केही खानेकुरा अर्डर गर्नुहुन्छ । अनि एकछिन पछि वेटर आउँछ र तपाइँले अर्डर गरेको भन्दा फरक खानेकुरा ल्याएर टेबलमा राखिदिन्छ । यस्तोमा झनक्क रिस उठ्नु स्वभाविकै हो । तर एउटा यस्तो रेष्टुराँ छ जहाँ रिसाउन सख्त मनाही छ । वेटरले जुन खाना ल्याउँछ तपाइँले चुपचाप त्यहीँ खानेकुरा खानैपर्दछ ।

हजुर, खाए खा नखाए घिच् भन्ने सिद्धान्तको यो रेष्टुराँको नाम हो रेष्टुरेन्ट अफ अर्डर मिस्टेक्स ।

 

जापानको राजधानी टोक्योमा निकै चर्चित छ यो रेष्टुराँ । यो रेष्टुराँमा डिमेन्सिया अर्थात् भुल्ने रोग भएका बिरामीहरुलाई वेटरको जागिर दिने गरिएको छ ।

गत जुन २ देखि ४ सम्म यो रेष्टुराँ परीक्षणको रुपमा खोलिएकेा थियो । त्यसपछि व्यवसायिक रुपमा संचालन गरिएको रेष्टुराँमा अहिले ग्राहकको भिड लाग्ने गरेको छ । मानिसहरुले यो रेष्टुराँ खुबै मन पराएका छन् ।

रेष्टुराँका एक सेवाग्राही भन्छन् ः मलाई जब टोकियोमा यस्तो रेष्टुराँ छ भन्ने थाहा भयो तब मलाई यहाँ आउन मन लाग्यो । साँच्ची यो रेष्टुराँमा गएर सेवा लिनुको मज्जा नै बेग्लै थियो ।


यो रेष्टुराँले डिमेन्सिया भएका विरामीहरुलाई वेटरको काममा लगाएर एकातर्फ सेवाग्राहीलाई नयाँ अनुभव दिलाउने कोसिस गरेको छ भने अर्कोतिर बिरामीहरुलाई समेत आफु समाजको एक हिस्सा रहेको अनुभुति गराएको छ । साथै सेवाग्राहीलाई यो अनुभुति गराउने कोसिस पनि गरेको छ की भुलक्कडहरुसँग डिल गर्नु खासै गाह्रो कुरा होइन ।

डिमेन्सियाका बारेमा मानिसहरुमा जनचेतना जगाउने र उनीहरुप्रति समाजको धारणा सकारात्मक बनाउने यो रेष्टुराँले प्रयास गरेको छ ।

 

photo

NOC1-250x300