भारतीय पत्रिका लेख्छ, ‘नेपालमा चिनियाँ प्रभाव रोक्न भारतीय सेना प्रमुखको भ्रमण’

timthumbकाठमाडौं, १६ चैत– भारतीय स्थल सेना प्रमुख बिपिन रावत ४ दिने नेपाल भ्रमणका लागि आज (मंगलबार) काठमाडौं उत्रिएका छन् । भारतीय स्थल सेना प्रमुखमा नियुक्त भए पछि उनको यो पहिलो नेपाल भ्रमण हो ।

प्रधान सेनापति राजेन्द्र क्षेत्रीको निमन्त्रणमा रावत नेपाली सेनाको मानार्थ महारथीको सम्मान ग्रहण गर्न नेपाल आएका हुन् । नेपाल र भारतका सेना प्रमुखलाई दुई देशले मानार्थ महारथीको सम्मान प्रदान गर्ने प्रचलन रहिआएको छ ।

तर, भारतीय सञ्चारमाध्यमले भने रावतको नेपाल भ्रमणलाई फरक ढंगले अथ्र्याएका छन् । नवभारत टाइम्सको अनलाइन संस्करणमा प्रकाशित समाचारको आशयअनुसार रावत नेपाल र चिनियाँ सेनाबीच हुन गइरहेको पहिलो संयुक्त सैन्य अभ्यास रोक्न नेपाल भ्रमणमा आएका हुन् । समाचारमा चिनियाँ प्रभाव रोक्ने मुख्य उद्देश्यका साथ रावत नेपाल भ्रमणमा आएका हुन् ।

‘नेपाल र चीनबीच हुने संयुक्त सैन्य अभ्यासको संभावनालाई लिएर भारत चिन्तित छ,’ नवभारतटाइम्सको समाचारमा लेखिएको छ । समाचारमा उल्लेख गरिएअनुसार भारतीय सेना प्रमुखको नेपाल भ्रमण पछि उक्त सैन्य अभ्यास सर्ने संभावना बढेको छ ।

भारतीय सेना प्रमुख रावत शुक्रबार (१८ चैत)सम्म नेपालमा रहने छन् । त्यसपछि उनी बंगलादेशको भ्रमणमा जाने छन् । बंगालादेशमा पनि चीनको प्रभाव बढेकाले भारतीय सेनाध्यक्ष त्यसलाई रोक्ने भ्रमणमा निस्किएका समाचारमा जनाइएको छ । चीनले हालै बंगलादेशको रक्षा बजेटमा उल्लेख सहयोग गरेको समाचारमा जनाइएको छ ।

नेपाल भ्रमणको क्रममा रावतलाई बुधबार शीतल निवासमा विशेष समारोह आयोजना गरी नेपाली सेनाको मानार्थ महारथीको सम्मान प्रदान गर्ने कार्यक्रम छ । नेपाली सेनाको परमाधिपतिसमेत रहेकी राष्ट्रपति विद्यादेवी भण्डारीले रावतलाई मानार्थ महारथीको सम्मान प्रदान गर्नेछिन् ।

नेपाल बसाइको क्रममा रावतले प्रधानमन्त्री, रक्षामन्त्री, प्रधानसेनापतिलगायतलाई भेट्ने कार्यक्रम छ । रावतले पोखरास्थित भारतीय सैनिक पेन्सन क्याम्पको पनि भ्रमण गर्ने कार्यक्रम छ । यस्तै उनी मुस्ताङको मुक्तिनाथ र काठमाडौंको पशुपतिनाथको दर्शन गर्न पनि जाने छन् ।

पश्चिम नेपालसँग सीमा जोडिएको भारतीय राज्य उत्तराखण्डका स्थायी बासिन्दा रावत गत पुसमा भारतीय स्थल सेनाको २७ औं प्रमुखमा नियुक्त भएका थिए ।

 

प्रतिक्रिया दिनुहोस्
सम्बन्धित वर्गका समाचारहरू

प्रधानमन्त्री प्रचण्डद्धारा लैनचौरमा रहेको सहिद स्मारकमा पुष्पगुच्छा अर्पण

१६ माघ, काठमाडौं । प्रधानमन्त्री पुष्पकमल दाहाल प्रचण्डले सहिद दिवसको अवसरमा लैनचौरमा रहेको सहिद स्मारक

राष्ट्रपतिद्वारा सहिदप्रति श्रद्धाञ्जली अर्पण

१६ माघ, काठमाडौं । राष्ट्रपति विद्यादेवी भण्डारीले सहिद दिवस, २०७९ को अवसरमा नागरिक स्वतन्त्रता, लोकतन्त्रको

अभिनेत्री तथा मोडल एलिजा गौतम नागरिक उन्मुक्ति पार्टीमा प्रवेश

१४ माघ, काठमाडौं । अभिनेत्री तथा मोडल एलिजा गौतम नागरिक उन्मुक्ति पार्टीमा प्रवेश गरेकी छिन

चर्चित लोक तथा दोहोरी गायक भीम पौडेलको निधन

१३ माघ, काठमाडौं । चर्चित लोक तथा दोहोरी गाएक भीम पौडेलको निधन भएको छ ।

एमाले अध्यक्ष ओली र प्रधानमन्त्री प्रचण्डको बालुवाटारमा भेटवार्ता

१३ माघ, काठमाडौं । प्रधानमन्त्री पुष्पकमल दाहाल ‘प्रचण्ड’ र नेकपा एमालेका अध्यक्ष एवं पुर्व प्रधानमन्त्री

देशभर विद्याकी देवी सरस्वतीको पूजा आराधना गरिँदै

१२ माघ, काठमाडौं । प्रत्येक वर्ष माघ शुक्ल पञ्चमीकै दिन मनाइने ‘श्रीपञ्चमी’ पर्व आज विद्याकी