भारतमा नेपाली झण्डा जलाइएको विरोधमा मधेसमा प्रदर्शन, दुईजना पक्राउ

जनता समाजवादी पार्टीको मुस्लिम विभागले भारतमा नेपालको राष्ट्रिय झण्डा जलाइएको विरोधमा वीरगञ्जमा प्रदर्शन गरेको छ । उक्त प्रदर्शनमा प्रहरीले हस्तक्षेप गरेर २ जनालाई पक्राउ गरेको छ ।

विरोध प्रदर्शनका क्रममा प्रहरीले पार्टीकाे महानगर कमिटीका अध्यक्ष लियाकत अली र विद्यार्थी नेता मोहसिन राजालाई पक्राउ गरेको हो । पक्राउपछि उनीहरुलाई जिप्रका पर्सामा राखिएको छ ।

भारतमा नेपालको झण्डा जलाइएको विरोधस्वरुप वीरगञ्जको मालपोत चोकबाट प्रदर्शन सुरु भएको थियो । नेपाली झण्डासहित प्रदर्शनमा उत्रिएका प्रदर्शनकारीहरु घण्टाघरमा पुगेर कोणसभा गरिरहेका थिए ।

प्रदर्शनकारीले ‘झण्डा हाम्रो शान हो, झण्डा हाम्रो पहिचान हो, नेपाल आमा जिन्दावाद लगायतका नारा लगाएका थिए ।

कोणसभा जारी रहँदा प्रहरीले हस्तक्षेप गरेको प्रदर्शनकारीहरुले बताएका छन् ।

 

photo

NOC1-250x300