बैशाख ३१ को चुनाव सार्नेबारे बालुवाटारमा बहस

All-patry-meet१५ बैशाख, काठमाडौं । बैशाख ३१ मा हुने भनिएको पहिलो चरणको स्थानीय तह निर्वाचन हुन अब १६ दिन मात्रै बाँकी छ । तर, राजनीतिक दलहरु भने अझै पनि चुनाव एक चरणमा गर्ने कि दुई चरणमा भन्ने बहसमै अल्झिएका छन् । शुक्रबार बालुवाटारमा यस्तै छलफल भयो ।

प्रधानमन्त्री पुष्पकमल दाहाल प्रचण्डले शुक्रबार दिउँसो बोलाएको सर्वदलीय बैठकमा धेरै दलहरु जेठ ३१ मा एकै चरणमा चुनाव गर्ने पक्षमा उभिएका छन् ।

बैठकमा प्रधानमन्त्री प्रचण्डले पहिलो चरणको चुनावपछि मतगणना तत्काल गर्ने कि दुबै चरणको चुनावपछि गर्ने र बजेट के गर्ने भन्ने राय मागेका थिए ।

तर, धेरै दलहरुले एकै चरणमा चुनाव गर्न र त्यसपछि बजेट ल्याउन सुझाव दिएका छन् । एकै चरणमा चुनाव गर्दा मतगणना कहिले गर्ने भन्ने बहस नै गर्नु नपर्ने उनीहरुको धारणा थियो ।

‘जेठ ३१ मा मिति तोकिएकै छ, दुई चरणमा चुनाव नगरौं, बजेट त्यसपछि ल्याउँदा हुन्छ भन्ने धेरै दलहरुको राय रहेको छ’ बैठकमा सहभागी एमाले प्रमुख सचेतक भानुभक्त ढकालले अनलाइनखबरसँग भने ।

फोरम लोकतान्त्रिकका नेता रामजनम चौधरीले पनि बालुवाटार बैठकमा जेठ ३१ मा एकै चरणमा चुनाव गर्नुपर्ने राय आएको बताए ।

बैठकमा कांग्रेस नेता रामचन्द्र पौडेलले दुई चरणमा चुनाव गर्दा मतपेटिकाको सुरक्षा कसरी गर्ने भन्ने प्रश्न रहेको बताएका थिए ।

सरकारले सुरुमा बैशाख ३१ गते देशभर एकै चरणमा स्थानीय चुनाव गर्ने निर्णय गरेको थियो । तर, पछिल्लो पटक मधेसी मोर्चासँग दुई चरणमा चुनाव गर्ने सहमति गर्दै प्रदेश नम्बर ३, ४ र ६ मा बैशाख ३१ मा बाँकी चारवटा प्रदेशमा जेठ ३१ मा चुनाव गर्ने निर्णय गरेको छ ।

प्रमुख विपक्षी नेकपा एमालेले पनि एकै चरणमा चुनाव गर्नुपर्ने मत राख्दै आएको छ । सकेसम्म बैशाख ३१ मै गर्नुपर्ने र दुई चरणमै चुनाव गर्नुपर्ने भए जेठ १५ अगाबै हुनु पर्ने एमालेको औपचारिक निर्णय छ ।

जेठ ३१ मा एकै चरणमा चुनाव गर्ने दलहरुको रायबारे सोधिएको प्रश्नमा एमाले प्रमुख सचेतक ढकालले भने, हामी एकै चरणको चुनावकै पक्षमा छौं ।’

संघीय समाजवादी फोरमका अध्यक्ष उपेन्द्र यादवले पनि एकै चरणमा चुनाव गर्नुपर्ने मत राखेका छन् । मधेसी मोर्चामा आवद्ध ६ दल मिलेर बनेको राष्ट्रिय जनता पार्टी नेपालका नेताहरु पनि जेठ ३१ मा एकै चरणमा गर्ने पक्षमा छन् ।

बजेट असार पहिलो साता

सर्वदलीय बैठकमा प्रधानमन्त्री प्रचण्डले जेठ १५ मा बजेट ल्याउनुपर्ने संवैधानिक व्यवस्था रहेको भन्दै के गर्ने भनेर दलहरुसँग राय मागेका छन् ।

विपक्षी एमालेले दुई चरणको चुनावको बीचमा बजेट ल्याउने प्रस्ताव स्वीकार्य नहुने बताएको छ । बैठकमा नेताहरुले दुई चुनावको वीचमा बजेट ल्याउन नहुने धारणा राखेका छन् । धेरैले जेठ ३१ मा एकै चरणमा चुनाव गर्न र त्यसपछि बजेट ल्याउन सुझाव दिए ।

फोरम लोकतान्त्रिकका नेता चौधरीले अनलाइनखबरसँग भने, ‘मैले नै जेठ १५ मा ल्याउँदा बजेटलाई उपयोग गरेर अनुकुल परिणाम ल्याउनुहुन्छ भन्ने सबै पार्टीबाट आयो । असार पहिलो साता लैजानुस् भनेर सुझाव दिएँ ।’

प्रधानमन्त्री प्रचण्डले पनि यो सुझाव मननीय भएको भन्दै बाधा अड्काउ फुकाउ गरेर असार पहिलो सातामा बजेट ल्याउँदा ठीकै हुने बताएका छन् ।

नेकपा संयुक्तका अध्यक्ष गणेश साहले पनि प्रधानमन्त्रीले चुनावपछि मात्र बजेट आउने संकेत गरेको बताए 

प्रतिक्रिया दिनुहोस्
सम्बन्धित वर्गका समाचारहरू

गठबन्धनको अस्थिर सरकार बनेमा नेपाली श्रम बजारमा झन ठूलो असर पर्छ : अध्यक्ष श्रेष्ठ

१७ मंसिर,काठमाडौं । नेकपा (एमाले) पोलिटब्युरो सदस्य एवं नेपाल ट्रेड युनियन महासंघ (जिफन्ट) का अध्यक्ष

भिभोद्वारा नेपालमा आफ्नो पाचौं वार्षिकोत्सव मनाउन सबैभन्दा ठूलो सेल्स कार्निभल आयोजना

१६ मंसिर,काठमाडौं । भिभो, एक विश्वव्यापी अग्रणी स्मार्टफोन ब्रान्डले आज नेपालमा आफ्नो ५ वर्ष पूरा

सुकुम्बासीहरुलाई तत्काल नहटाउन राष्ट्रिय भुमी आयोगको आग्रह

१६ मंसिर,काठमाडौं । राष्ट्रिय भुमी आयोगले राजधानी काठमाडौंलगायतका ठाउँहरुमा रहेका सुकुम्बासीहरुलाई अहिले नहटाउन आग्रह गरेको

प्रचण्डले विचार र सिद्धान्त छोड्दा सिद्धियो माओवादी !

नेपालमा २०५२ फागुन १ गतेबाट जनयुद्द शुरु भयो । नेकपा माओवादी केन्द्रका अध्यक्ष पुष्पकमल दाहाल

नेस्वहोमयु को ४२ औं वार्षिक उत्सव:श्रमजीवीहरुलाई एकतावद्ध आन्दोलनमा सरिक हुन अध्यक्ष श्रेष्ठको आव्हान

१३ मंसिर,काठमाडौं ।नेकपा (एमाले) पोलिटब्युरो सदस्य एवं  नेपाल ट्रेड युनियन महासंघ (जिफन्ट) का अध्यक्ष विनोद

आगामी पांच वर्षभित्रमा श्रमिकहरुको तलब २५ हजार पुर्‍याउने नेता बिष्णु रिमालको उदघोष

१२ मंसिर,काठमाडौं । नेकपा एमालेका उपमहासचिव एवं नेपाल ट्रेड युनियन महासंघ(जिफन्ट) का संरक्षक बिष्णु रिमालले