च्याम्पियन्स लिगको अन्तिम १६ को दोस्रो लेगको खेलमा फ्रेन्च क्लब पेरिस सेन्ट जर्मनी ९पिएसजी० लाई ६–१ ले हराएको बार्सिलोना त्यसको तीन दिनपछि घरेलु क्लब डेपोर्टिभो लो करुनासँग २–१ गोलले पराजित भएको छ।
डेपोर्टिभोको घरेलु मैदानमा भएको खेलमा लिगको शीर्षस्थानमा रहेको बार्सिलोनालाई दुई गोलले पराजित गर्न जोसेलुले ४० र बेर्गान्टिनोस र्गािर्सयाले ७४ मिनेटमा गोल गरे।
बार्सिलोनाका लागि एक मात्र गोल लुइस सुआरेजले दोस्रो हाफको ४६ मिनेटमा गरे। सुआरेजको स्पेनिस ला लिगामा यो २१ औं गोल थियो।
यो नतिजापछि बार्सिलोनाको स्पेनिस लिगको शीर्षस्थानमा रहने सम्भावना कमजोर बनेको छ। बार्सिलोनाभन्दा दुई खेल कम खेलेको रियल म्याड्रिड २५ खेलमा ५९ अंकका साथ दोस्रो स्थानमा छ। बार्सिलोनाको २७ खेलमा ६० अंक छ।
यस खेलमा चोटका कारण नेइमार अनुपस्थित थिए। लिओनल मेसीले पनि खासै कमाल देखाउन सकेनन्। एजेन्सी
