बाबुरामको फोन प्रचण्डको वेवास्ता, जनकपुरका अनसनकारीको स्वास्थ्य चिन्ताजनक

 

Ram-kumar-sharma

५ फागुन, काठमाडौं । विभिन्न ७ वटा मागहरु राखेर जनकपुर चोकमा नयाँ शक्ति पार्टीका नेता रामकुमार शर्मा र कलामुद्दीन राईन आमरण अनशन बसेको विहीबार १५ दिन पुगेको छ । यसबारे कुरा गर्न डा. बाबुराम भट्टराईले तारन्तार टेलिफोन गर्दा पनि प्रधानमन्त्री प्रचण्डले फोन नउठाएको विहीबार नयाँ शक्ति पार्टीका नेताले गुनासो गरे ।

‘यसबारे डा. भट्टराई तीनचोटि फोन गर्नुभयो, तर प्रधानमन्त्रीले फोनै उठाउनुभएन’ विहीबार राजधानीमा मानव अधिकारकर्मी एवं सांसदसँगको एक छलफलमा नयाँ शक्ति पार्टीका नेताहरुले भने- ‘अनसनबारे पहिल्यै जानकारी गराइसकिए पनि प्रधानमन्त्रीले मलाई थाहै छैन भन्ने जवाफ दिएका छन् । अनसनकारीको स्वास्थ्यस्थिति कमजोर भइसक्दा पनि सरकारले वास्ता गरेको छैन ।

प्रधानमन्त्रीलाई पहिले नै जनकपुरको समस्याबारे अवगत गराइएको र अनसनबारे जानकारी गराइँदा पनि ‘मलाई थाहा छैन’ भन्नु आश्चार्यजनक भएको नयाँशक्ति पार्टीका रत्नेश्वरप्रसाद शर्माले बताए । उनले भने- ‘जनकपुरमा अनसन भइरहेको पत्रपत्रिकामा छ्याप्छ्याप्ती छ, के हाम्रा प्रधानमन्त्रीले पत्रिका पढ्नुहुन्न ? टेलिभिजन हेर्नुहुन्न ?’

के-के छन् अनशनकारीमा माग ?

माघ २० गतेदेखि जनकपुरमा आमरण अनसन बसेका शर्मा र राईनले विभिन्न ७ वटा मागहरु राखेका छन् । शर्मा बृहत्तर जनकपुर क्षेत्र विकास परिषदका अध्यक्ष, पूर्वसभासद तथा नयाँ शक्ति पार्टीका नेता हुन् । कलामुद्दीन राईन पनि नयाँ शक्ति पार्टीका केन्द्रीय नेता हुन् ।

उनीहरुको पहिलो माग धनुषाका प्रमुख जिल्ला अधिकारी र स्थानीय विकास अधिकारी जनकपुरको विकास विरोधी भएकाले उनीहरुलाई सरुवा गर्नुपर्छ भन्ने छ । भ्रष्टाचारमा मुछिएका परिषदका कार्यकारी उमेशकुमार यादवलाई संरक्षण गरेको भन्दै अनशनकारीले सिडिओ र एलडीओको सरुवा मागेका हुन् ।

अनसनकारीको दोस्रो माग छ- जनकपुर मन्दिरमा महन्थहरुका नाममा रहेको हजारौं विगाह गुठीको जग्गा भूमाफिया, प्रशासक र नेताहरुले नक्कली प्रमाण बनाई कब्जा गरेको हुनाले फिर्ता गरियोस् । र, रामजानकी मन्दिरलाई विश्व सम्पदा सूचीमा राख्न सरकारले पहल गरोस् ।

त्यसैगरी अनसनकारीहरुको अर्को माग छ- राजषर्ी जनकको राजधानी जनकपुरमा अन्तरराष्ट्रिय विमानस्थल बनाइयोस् ।

राजर्षी जनक विश्वविद्यालय स्थापना कार्य २० औं वर्षदेखि अलपत्र परेको भन्दै अनशनकारीहरुले विश्वविद्यालय सञ्चालनका लागि ऐन पारित गरी तुरुन्त काम अघि बढाउनुपर्ने माग गरेका छन् ।
त्यस्तै धनुषा र महोत्तरीमा रहेको मणिपाल कलेजको एक सय विघा जमिनका बारेमा पनि अनसनकारीले माग रोखेका छन् । सो जग्गाबाट कौडीको मूल्य लिएर अन्यत्रै कलेज बनाउने मणिपाल कलेजका सञ्चालकलाई कारवाही गरिनुपर्ने अनसनकारीको माग छ ।

प्रधानमन्त्री र गृहमन्त्रीले भेट नदिए बालुवाटारमा धर्ना

यसैवीच अनशनकारीहरुको स्वास्थ्य अवस्था गम्भीर भएको भन्दै विहीबार राजधानीमा मानवअधिकारकर्मीहरुको एक भेला सम्पन्न भएको छ । भेलाले अनशनकारीहरुको मागलाई चाँडो सम्बोधन गर्न सरकारसँग माग गरेको छ ।

यसबारे प्रधानमन्त्री र गृहमन्त्रीको ध्यानाकर्षण गराउन समय माग्ने र समय नपाए बालुवाटारको गेट अगाडि प्रदर्शन गर्ने मानवअधिकारवादीहरुले तयारी गरेका छन् । यसका साथै मानवअधिकारकर्मीको टोली जनकपुर जाने कार्यक्रम समेत तय गरिएको नयाँशक्ति पार्टीका नेता गंगानारायण श्रेष्ठले बताए ।

यसैवीच विहीबार बसेको राष्ट्रिय मानवअधिकार आयोगको बैठकमा जनकपुरको अनशनबारे समेत छलफल भएको छ । यसबारे सरकारलाई पत्र लेखेर शर्मा र राईनको जीवन राक्षाका लागि ध्यानाकर्षण गराउने निर्णय आयोगले गरेको स्रोतले बतायो ।

प्रतिक्रिया दिनुहोस्
सम्बन्धित वर्गका समाचारहरू

सुकुम्बासीहरुलाई तत्काल नहटाउन राष्ट्रिय भुमी आयोगको आग्रह

१६ मंसिर,काठमाडौं । राष्ट्रिय भुमी आयोगले राजधानी काठमाडौंलगायतका ठाउँहरुमा रहेका सुकुम्बासीहरुलाई अहिले नहटाउन आग्रह गरेको

प्रचण्डले विचार र सिद्धान्त छोड्दा सिद्धियो माओवादी !

नेपालमा २०५२ फागुन १ गतेबाट जनयुद्द शुरु भयो । नेकपा माओवादी केन्द्रका अध्यक्ष पुष्पकमल दाहाल

नेस्वहोमयु को ४२ औं वार्षिक उत्सव:श्रमजीवीहरुलाई एकतावद्ध आन्दोलनमा सरिक हुन अध्यक्ष श्रेष्ठको आव्हान

१३ मंसिर,काठमाडौं ।नेकपा (एमाले) पोलिटब्युरो सदस्य एवं  नेपाल ट्रेड युनियन महासंघ (जिफन्ट) का अध्यक्ष विनोद

समानुपातिकतर्फ माओवादी केन्द्रलाई घण्टिले जित्यो,९० लाख मत गन्दा एमालेको अग्रता कायमै

११ मंसिर, काठमाडौँ । समानुपातिकतर्फ ९० लाख ९३ हजार ७६१ मत गणना हुँदा नेकपा(एमाले) को

गठबन्धनले कब्जा गरेको दोलखाको १० वटा मतदान केन्द्रमा पुन : मतदान गर्ने आयोगको निर्णय

११ मंसिर,काठमाडौं । निर्वाचन आयोगले दोलखाको १० वटा मतदान केन्द्रहरुमा मंसिर १५ गतेभित्र पुनःमतदान गर्ने

प्रदेशसभा प्रत्यक्षतर्फको पछिल्लो मत परिणाम,नेपाली काङ्ग्रेसको अग्रता

१० मंसिर,काठमाडौं । मंसिर ४ गते सम्पन्न प्रतिनिधिसभा तथा प्रदेशसभा निर्वाचन अन्तर्गत प्रदेशसभाको प्रत्यक्षतर्फ को