January 30, 2017

बाथ–मुटु रोगीको भल्ब शल्यक्रिया निःशुल्क

काठमाडौं – बाथ–मुटु रोगी भएका बिरामीले आगामी एक फागुनबाट भल्व शल्यक्रियाको निःशुल्क उपचार सेवा पाउने भएका छन् । बाथ–मुटु रोगीका लागि सरकारले निःशुल्क भल्व शल्यक्रिया उपचारको व्यवस्था मिलाएको खबर आजको नयाँ पत्रिकामा छ ।mutu-rog-155x82

सहिद गंगालाल राष्ट्रिय हृदय केन्द्रको २१औँ वार्षिकोत्सवको अवसरमा स्वास्थ्यमन्त्री गगनकुमार थापाले १५ देखि ६५ उमेर समूहका बिरामीलाई लक्षित गरी बाथ–मुटु रोगीको निःशुल्क भल्व शल्यक्रियाको घोषणा गरेका हुन् । उनले भने, ‘युवाहरूको स्वास्थ्यलाई ध्यानमा राखेर यो सेवा ल्याइएको हो ।

फागुनबाट निःशुल्क सेवा
आगामी फागुन १ बाट सहिद गंगालाल हृदय केन्द्र र मनमोहन कार्डियो भास्कुलर सेन्टरबाट बाथ–मुटु रोगीका बिरामीले निःशुल्क भल्व शल्यक्रियाको सेवा पाउनेछन् । यसका लागि स्वास्थ्य मन्त्रालयले आवश्यक बजेट दिनेछ । यसअघि बाथ–मुटु रोगीको भल्व मात्रै निःशुल्क फेरिँदै आएको थियो । युवाहरू विशेषगरी रोजगारीको सिलसिलामा विदेश जाने अर्थात् स्वदेशमै जोखिमपूर्ण काम गर्दा बाथ–मुटु रोगको बढी सिकार हुने गरेको चिकित्सकहरूले बताएका छन् ।

बाथ–मुटु रोगी बढे
एक सय मुटुरोगीमध्ये पाँचजनामा बाथ–मुटु रोग देखा पर्ने गरेको छ । सहिद गंगालाल राष्ट्रिय हृदय केन्द्रका मुटुरोग विशेषज्ञ डाक्टर राजीव राजभण्डारीले ५ देखि १५ वर्ष उमेर समूहका मानिसमा बाथ–मुटु रोग बढी हुने बताए । उनका अनुसार यसको उपचारमा करिब एक लाख रुपैयाँ खर्च लाग्छ ।

२१ वर्षमा १३ लाखले लिए सेवा
१५ पुस ०५५ बाट सेवा सुरु गरेको सहिद गंगालाल हृदय केन्द्रले हालसम्म बाह्र लाख ९० हजार बिरामीलाई सेवा दिएको छ । यस आर्थिक वर्षमा केन्द्रबाट १६ हजार आठ सय ३२ जना बिरामीले सेवा लिएको शर्माले बताए । उनले यसै वर्षबाट तीनवटा अत्याधुनिक अप्रेसन थ्रिएटर र २६ शøयाको आइसियु सञ्चालनमा ल्याएको पनि जानकारी दिए ।

सरकारको विपन्न कार्यक्रममार्फत एक आर्थिक वर्षमा एक हजार आठ सय ४९ जना बिरामीले उपचार पाएका छन् । उनीहरूको उपचारका लागि राज्यको १७ करोड ९४ लाख ४९ हजार ४ सय ३६ रुपैयाँ रकम खर्च भएको शर्माले बताए ।

पोखरा र नेपालगन्जमा सेवा विस्तार
देशैभरिबाट मुटुरोगका बिरामी उपचार गराउन सहिद गंगालाल हृदय केन्द्र आउने गरेका छन् । रोगीहरूको संख्यामा वृद्धि हुँदै गएको भन्दै गंगालालको सेवामा सहजता ल्याउन यसै वर्षदेखि अन्य दुई स्थानबाट सेवा सुरु गर्ने मन्त्रालयले तयारी थालेको छ ।

प्रतिक्रिया दिनुहोस्
सम्बन्धित वर्गका समाचारहरू

भिभोद्वारा नेपालमा आफ्नो पाचौं वार्षिकोत्सव मनाउन सबैभन्दा ठूलो सेल्स कार्निभल आयोजना

१६ मंसिर,काठमाडौं । भिभो, एक विश्वव्यापी अग्रणी स्मार्टफोन ब्रान्डले आज नेपालमा आफ्नो ५ वर्ष पूरा

सुकुम्बासीहरुलाई तत्काल नहटाउन राष्ट्रिय भुमी आयोगको आग्रह

१६ मंसिर,काठमाडौं । राष्ट्रिय भुमी आयोगले राजधानी काठमाडौंलगायतका ठाउँहरुमा रहेका सुकुम्बासीहरुलाई अहिले नहटाउन आग्रह गरेको

नेस्वहोमयु को ४२ औं वार्षिक उत्सव:श्रमजीवीहरुलाई एकतावद्ध आन्दोलनमा सरिक हुन अध्यक्ष श्रेष्ठको आव्हान

१३ मंसिर,काठमाडौं ।नेकपा (एमाले) पोलिटब्युरो सदस्य एवं  नेपाल ट्रेड युनियन महासंघ (जिफन्ट) का अध्यक्ष विनोद

आगामी पांच वर्षभित्रमा श्रमिकहरुको तलब २५ हजार पुर्‍याउने नेता बिष्णु रिमालको उदघोष

१२ मंसिर,काठमाडौं । नेकपा एमालेका उपमहासचिव एवं नेपाल ट्रेड युनियन महासंघ(जिफन्ट) का संरक्षक बिष्णु रिमालले

समानुपातिकतर्फ माओवादी केन्द्रलाई घण्टिले जित्यो,९० लाख मत गन्दा एमालेको अग्रता कायमै

११ मंसिर, काठमाडौँ । समानुपातिकतर्फ ९० लाख ९३ हजार ७६१ मत गणना हुँदा नेकपा(एमाले) को

गठबन्धनले कब्जा गरेको दोलखाको १० वटा मतदान केन्द्रमा पुन : मतदान गर्ने आयोगको निर्णय

११ मंसिर,काठमाडौं । निर्वाचन आयोगले दोलखाको १० वटा मतदान केन्द्रहरुमा मंसिर १५ गतेभित्र पुनःमतदान गर्ने