प्रहरीले रोक्यो १४ वर्षकी बालिकाको बिहे

कपिलवस्तु – बालबिबाह गरिदिन लागेका अभिभावक पक्राउ परेका छन् । १४ वर्षकी बालिकाको बिहे भइरहँदा प्रहरी पुगेर बिहे रोकेर बालिकाका बावुलाई पक्राउ गरेको हो ।
कपिलवस्तु नगरपालिका-१२ स्थित स्थानीय लक्ष्मण यादवको घरमा भैरहेको बिबाह प्रहरीले रोकेको प्रहरी उपरीक्षक भोज जंग शाहले बताउनुभयो ।

 

लक्ष्मण यादवकी १४ वर्षकी छोरी सञ्जुसँग कृष्णनगर नगरपालिका वडा नं. १२ हथिहवागढको एक केटाको बिबाह गर्ने तयारी भैरहेको अवस्थामा प्रहरीले बिबाह रोक्न लगाएको छ । प्रहरीको हस्तक्षेपपछि केटीको घरमा जन्ती आइरहेका दुलाहा पक्ष जन्तीसहित फिर्ता गएका थिए ।

बालिका सञ्जुका पिता लक्ष्मणलाई प्रहरीले नियन्त्रणमा लिएको थियो । छोरीको उमेर नपुगी बिहे नगराउने कागज गरेपछि थुनामा रहेका बालिकाका उनलाई प्रहरीले थुनामुक्त गरेको छ ।

 

 

photo

NOC1-250x300