काठमाडौं । सरकारले पूर्वप्रहरीनिरीक्षक कुवेर सिंह राना अध्क्षयताको कार्यदल बनाएर संघीयतामा प्रहरीको संरचनासम्बन्धमा अध्ययन गरेको थियो । कार्यदलले प्रतिवेदन दिएको पनि ६ महिना भइसकेको छ । उक्त प्रतिवेदन अध्ययन गरेर त्यसलाई कार्यान्वयनमा लैजान ३ महिना अघि गृहसचिव लोकदर्शन रेग्मीको अध्यक्षता अर्को कार्यदल गठन भयो ।
दुई साता अघि मुख्यसचिव सोमलाल सुवेदी, गृह मन्त्रालयका सचिव लोकदर्शन रेग्मी, गृहमन्त्रालयका सहसचिवहरु यादव कोइराला, निर्मला अधिकारी, नेपाल प्रहरीका डीआईजी गणेश केशी लगायतका अधिकारी क्यानाडा र अमेरिका घुम्न गएका हुन् । उनीहरुको भ्रमण सबै खर्च नेपाल प्रहरीलाई सरकारले दिएको बजेटबाट गरिएको हो । भ्रमणमा करिब ३० लाख रुपैया खर्च भएको थियो ।
