प्रधानमन्त्री : दाेस्राे चरणकाे चुनाव नभए सरकार परिवर्तन हुँदैन

sidha-kura-with-parchandaकाठमाडौं, ७ जेठ । प्रधानमन्त्री पुष्पकमल दाहाल ‘प्रचण्ड’ले दाेस्राे चरणकाे चुनाव सुनिश्चित नभएसम्म सरकार परिवर्तन नहुने बताएका छन् ।

शनिबार राति नेपाल टेलिभिजनबाट ‘प्रधानमन्त्रीसँग सिधा कुरा’ कार्यक्रममा उनले भने, ‘दाेस्राे चरणकाे चुनाव सुनिश्चित नभएसम्म सरकार परिवर्तन हुँदैन, यस विषयमा भएकाे राजनीतिक सहमतिकाे पनि पालना हुन्छ ।’

उनले स्थानीय तहको दोस्रो चरणको निर्वाचनमा पहिलो चरणजस्तै मधेस, पहाड र हिमालका जनताको उत्साहपूर्वक व्यापक जनताको सहभागितामा हुने विश्वास दिलाएका छन् ।

प्रधानमन्त्री दाहालले पहिलो चरणको निर्वाचनमा शान्तिपूूर्ण रुपमा उत्साहपूर्ण तवरले सम्पन्न भएकामा आफूलाई गौरव महसुस भएको बताए । पहिलो चरणको निर्वाचनले दोस्रो चरणको निर्वाचनका लागि आधार तयार गरेको स्पष्ट पार्दै प्रधानमन्त्री प्रचण्डले दोस्रो चरणको निर्वाचनमा पनि कुनै शङ्का नगर्न सबैसँग आह्वान गरे ।

आफ्नो पार्टीलाई जनताले दिएका मत सन्तोषजनक भएको बताउँदै उनले भने, ‘मेरो पार्टीले जित्नुभन्दा पनि राष्ट्र र जनताले जितेको छ, यसमा मलाई गर्व छ ।’ प्रधानमन्त्रीले प्रदेश र केन्द्रसम्मको निर्वाचन हुँदा जनताले आफ्नो पार्टीलाई जिताउने विश्वास व्यक्त गरे ।

बजेट ल्याउने र संविधान संशोधनका विषयमा प्रमुख राजनीतिक दलका शीर्ष नेता तथा मधेस केन्द्रित दलका नेतासँग निरन्तर सम्पर्कमा रहेको बताउँदै उनले संविधान कार्यान्वयनमा सबै राजनीतिक दलको सहकार्य आवश्यक भएकोमा जोड दिए ।

 

photo

NOC1-250x300