काठमाडौं, १९ माघ । नेकपा एमालेका अध्यक्ष केपी ओलीले प्रधानमन्त्री पुष्पकमल दाहाल ‘प्रचण्ड’ ले एमालेको प्रतिकार गर्न वाईसीएललाई उक्साएको आरोप लगाएका छन् ।
बुधबार पार्टीको आगामी फागुन २१ देखि हुने मेची महाकाली राष्ट्रिय अभियानको सन्दर्भमा जानकारी दिन आयोजित पत्रकार सम्मेलनमा बोल्दै उनले यस्तो बताएका हुन् । उनले एमालेलाई चिमोटे देशलाई दुख्ने भन्दै एमाले सधै राष्ट्रियताको पक्षमा रहेको जिकिर समेत गरे । ।
गत सोमबार राजधानीमा वाईसीएलको एकता भेलालाई सम्बोधन गर्दै प्रधानमन्त्री पुष्पकमल दाहाल ‘प्रचण्ड’ले देशमा राष्ट्रवादका नाममा दक्षिणपन्थी हावा चलेको भन्दै निद्राबाट ब्यूँझन वाईसीएल कार्यकर्तालाई दिएपछि ओलीले आज यस्तो प्रतिक्रिया दिएका हुन् ।
एक फरक प्रसंगमा ओलीले पञ्चशिलताका आधारमा भारत र चीन दुवै देशसँग आफ्नो पार्टीले सम्बन्ध स्थापति गर्न चाहेको बताए ।
२१ देखि पूर्वको काँकडभित्ताबाट सुरु हुने अभियान महेन्द्रनगरमा चैत २ मा पुग्ने छ भने चैत ५ मा सुर्खेत पुगेर समापन गरिने एमालेले जनाएको छ ।
