प्रदेश २ सरकारको साइकल खरिदमा अनियमितता देखियो: अख्तियार

जनकपुरधाम, ३० कार्तिक । अख्तियार दुरुपयोग अनुसन्धान आयोगले प्रदेश २ सरकारले ‘बेटी पढाऔं, बेटी बचाऔं’ अभियान अन्तर्गत छात्रालाई साइकल वितरण गर्दा अनियमितता भएको बताएको छ ।

अख्तियारको बर्दिवासस्थित कार्यालयका प्रमुख कृष्णप्रसाद सापकोटाले प्रारम्भिक अनुसन्धानका क्रममा साइकल खरिदमा अनियमितता देखिएको उल्लेख गर्नुभयो । विस्तृत अनुसन्धानका क्रममा अनियमितता देखिए विशेष अदालतमा मुद्दा दायर हुने उहाँले बताउनुभयो । यो गम्भीर विषय पनि भएकाले विस्तृत रुपमै हेरिने उल्लेख गर्दै उहाँले विस्तृत अनुसन्धानका क्रममा अनियमितता देखिए अदालतमा मुद्दा दायर हुने /नभए तामेलीमा जाने बताउनुभयो ।

उहाँले भन्नुभयो, ‘प्रारम्भिक अनुसन्धानका क्रममा साइकल खरिदमा अनियमितता देखिएको छ । अब विस्तृत अनुसन्धान शुरु गरेका छौं । प्रारम्भिकमा अनियमितता देखिएकाले हामी डिटेलमा अनुसन्धान गर्न लागेका छौं । यसपछि (भ्रष्टाचार) भएरनभएको बाहिर आउँछ ।’

साइकल खरिदमा अनियमितता देखिएको भन्दै अख्तियारको टोलीले १३ असोजमा प्रदेश २ को मुख्यमन्त्री तथा मन्त्रिपरिषद कार्यालयमा छापा मारी साइकल खरिदसम्बन्धी कागजात नियन्त्रणमा लिएको थियो ।

 

photo

NOC1-250x300