प्रचण्ड, ओली र केसीले संबोधन गर्ने सभामा बम बिष्फोट

३० कात्तिक, बागलुङ ।
बामपंथी गठबन्धनको चुनावी सभाको तयारी भइरहेको समयमा बागलुङको गलकोट नगरपालिका हटिया ३ मा बम बिस्फोट भएको छ ।

एमाले अध्यक्ष केपी ओली माओवादी अध्यक्ष प्रचण्ड र राजमोका अध्यक्ष चित्रबहादुर केसीले सम्बोधन गर्ने कार्यक्रम रहेको सभा स्थल नजिकै बम बिस्फोट भएको स्थानीयबासीले जनाएको छ ।

हटियामा अहिले बिस्फोट भएको बम हो कि के हो भन्ने अझै एकिन नभएको घटनास्थल तर्फ प्रहरी पुगेर अनुसन्धान गरिरहेको जिल्ला प्रहरी कार्यालय बागलुङका प्रहरी प्रमुख चन्द्र कुबिर खापुङले बताए । बम कसले पड्काएको हो भन्ने अज्ञात रहेको छ ।

बामपन्थी गठबन्धनको पक्षमा चुनावी सभालाई अहिले दिउँसो १ बजे बामपन्थी दलका शीर्ष नेता हेलिकप्टरबाट गलकोट हटिया पुग्ने कार्यक्रम रहेको छ । बागलुङमा ३ वटा बामपन्थी शक्ति एमाले माओबादी र राजमो बिच चुनावी गठबन्धन गरि २ ,२ वटा क्षेत्र बाडेर निर्वाचनमा खडा भएका छन् ।

 

photo

NOC1-250x300