पौडेल समूहको कब्जामा कांग्रेस मुख्यालय, जिल्ला सभापति भेला जारी

नेपाली कांग्रेसमा सभापति शेरबहादुर देउवाको एकल निर्णयविरुद्ध असन्तुष्ट नेताहरुले जिल्ला सभापतिहरुको छुट्टै भेला बोलाएका छन् । पार्टी मुख्यालय सानेपाको कार्यकक्ष प्रयोग गरेर वरिष्ठ नेता रामचन्द्र पौडेलको नेतृत्वमा आयोजित जिल्ला सभापतिहरुको भेला अहिले पनि जारी छ ।

११ पुसमा सभापति देउवाले एकलौटी रुपमा महाधिवेशनको मिति घोषणा, विभाग बिस्तार लगायतका निर्णयहरु गरेपछि असन्तुष्ट पौडेल समूहले जिल्ला सभापति भेला बोलाएको हो ।

सभापतिको परामर्शबाट देउवाविरुद्ध रणनीति तय गर्ने पौडेल लगायतका नेताहरुको तयारी छ । सानेपामा जारी भेलामा ४३ जना जिल्ला सभापतिहरु जम्मा भएका छन् । पौडेललाई साथ दिँदै महामन्त्री शशांक कोइराला र कोषाध्यक्ष सितादेवी यादव पनि उपस्थित छन् ।

पौडेल समूहको भेलामा नेता कृष्ट सिटौलाले नेतृत्व गरेको समूह पनि सहभागी भएको छ । सिटौलासमूहका नेताहरु गगन थापा र प्रदीप पौडेल पनि बैठकमा सहभागी भए पनि सिटौला स्वयम् भने अनुपस्थित छन् ।

पार्टीको केन्द्रीय कार्यालयमा बहुमत सभापति जम्मा पारेर कार्यक्रम आयोजना गर्नुलाई पार्टीको केन्द्रीय कार्यालय कब्जा गरेको रुपमा पनि कतिपय सहभागीले अर्थ्याएका छन् ।

 

photo

NOC1-250x300