पोखरा लेखनाथ महानगरको मेयरमा एमालेका मानबहादुर जिसी विजयी !

manbadhur-and-manju

पोखरा, १२ जेठ । पोखरा लेखनाथ महानगरपालिकाको मेयरमा नेकपा एमालेका उम्मेदवार मानबहादुर जिसी अत्याधिक मत ल्याई विजयी बनेका छन् । दुई वटा वडा ३२ र ३३ को नतिजा घोषणा नगर्दै उनको मत अन्तर बढी भएपछि उनले जित्ने निश्चित भएको हो ।

उनले वडा नम्बर ३१ सम्मको मत गनिसक्दा ५५,५७५ मत ल्याएका छन् भने नेपाली काग्रेसका रामजी कुँबरले ४२,४४५ मत ल्याएका छन् ।

जिसीले १३ हजार १ सय ३० मतले अग्रता बनाएपछि जित्ने निश्चित भएको हो । वडा नम्बरको ३२ र ३३ को जम्मा ९ हजार ८ सय ६३ मत खसेका कारण पनि रामजी कुँवरको जित्ने सम्भावना नरहेको हो ।

त्यसैगरी उपमेयरमा पनि एमालेकी मन्जुदेवी गुरुङको जित निश्चित भएको छ । उनले अहिलेसम्म ५१,१८८ मत प्राप्त गरेकी छन् भने नेपाली काँग्रेसकी सरस्वती गुरुङले ४०,४८० मत प्राप्त गरेकी छन् ।

 

photo

NOC1-250x300