पोखरामा उडिरहेको जहाजमा गिद्द ठोक्कियो

पोखरामा_उडिरहेको_जहाजमा_गिद्द_ठोक्कियो2744काठमाडौं । काठमाडौंबाट पोखराका लागि उडेको बुद्ध एअरको ९ एनएआइएन जहाज गिद्दसँग ठोक्किएको छ। जहाज पोखरा विमानस्थलमा अवतरण गर्ने क्रममा एक्कासी गिद्द जहाजमा ठोक्किन आएको हो।

जहाजमा गिद्द ठोक्किँदा दाहिनेभागको पंखा नजिकैको बडीको भाग कुच्चिएको बुद्ध एअरले जनाएको बाराही न्युजले लेखेको छ।

जहाजमा गिद्द ठोक्किए पछि चालकले जहाजलाई विमानस्थलमा अवतरण गराएका थिए। बिमानमा सवार सबै यात्रु सकुशल रहेको जिल्ला प्रहरी कार्यालय कास्कीले जनाएको छ।

पछिल्लो समय पोखरा अन्तर्राष्ट्रिय विमानस्थल आसपासमा गिद्द तथा चीलको बाक्लो झुण्ड देख्न सकिन्छ। पोखराको दक्षिण भेगबाट बिमान अवतरण गर्ने क्रममा उडान मार्गमा पोखराको ल्याण्डफिलसाइट हुनु र निर्माणधीन अन्तर्राष्ट्रिय बिमानस्थल वरपर मरेका पशुपंक्षी फालिनुले पनि सो क्षेत्र आसपासमा सदा गिद्दको बाक्लो उपस्थिति रहने गर्दा यस्ता खाले दुर्घटनाको सम्भाबना पनि बढेर गएको छ।

 

photo

NOC1-250x300