पेट्रोलियम पदार्थमा घटेको मुल्य लागु

petrol

१९ असार, काठमाडौं । पेट्रोलियम पदार्थमा घटेको मुल्य गएरातिदेखि लागु भएको छ । नेपाल आयल निगमले पेट्रोलियम पदार्थको घटाएको मूल्य गएराति १२ बजेदेखि लागु भएको हो ।

निगमले पेट्रोल, डिजल र मट्टीतेलमा प्रतिलिटर दुई÷दुई रुपैयाँको दरले मूल्य घटाएको छ । यस्तै खाना पकाउने ग्यासमा पनि प्रतिसिलिण्डर २५ रुपैयाँ घटाएको छ । हवाई इन्धनमा आन्तरिकतर्फ पनि प्रतिलिटर ४ रुपैयाँले मुल्य घटाएको निगमका प्रवक्ता सीताराम पोखरेलले जानकारी दिए ।

नयाँ मूल्य अनुसार पेट्रोल प्रतिलिटर ९८, डिजेल र मट्टीतेल प्रतिलिटर ७४, खाना पकाउने ग्यास प्रतिसिलिण्डर एक हजार ३ सय ५० र हवाई इन्धन आन्तरिक प्रतिलिटर ८२ रुपैया कायम भएको छ ।

 

photo

NOC1-250x300