पूर्व शिक्षामन्त्री कृष्ण गोपाल श्रेष्ठ विरुद्ध जाहेरी दर्ता गर्न सर्वोच्चको आदेश

काठमाडौं,साउन १, २०७८ । पूर्व शिक्षामन्त्री कृष्ण गोपाल श्रेष्ठमाथि अनुसन्धान गर्न सर्वोच्च अदालतले अन्तरिम आदेश दिएको छ ।जातिय विभेद गर्ने घरबेटी सरस्वति प्रधानलाई हिरासतमै सरकारी गाडी लिएर छुटाउन गई अनुसन्धान नै प्रभावित पारेको र जातिय छुवाछुत तथा कसुरको घटनामा समलग्न भएको भन्दै श्रेष्ठ विरुद्ध रुपा सुनारले जाहेरी दिएकी थिइन् ।

तर, प्रहरीले जाहेरी दर्ता गर्न अस्विकार गरेको थियो ।

 

बिहीबार न्यायाधीश प्रकाशमान सिंह राउत र नहकुल सुवेदीको इजलासले पूर्वमन्त्री श्रेष्ठविरुद्ध रुपा सुनारले दिएको जाहेरी दरखास्त दर्ता गरी निष्पक्ष र प्रभावकारी अनुसन्धान गर्न गराउन आदेश दिएको हो ।

सञ्चारकर्मी सुनारले राजधानीको बबरमहलमा कोठा खोज्ने क्रममा जातिय विभेद भोग्नु परेको थियो । घरबेटी सरस्वति प्रधान विरुद्ध जाहेरी दिएपछि प्रधान पक्राउ परेकी थिइन् । तर, पक्राउ परेकी उनीमाथि हिरासतमै राखेर अनुसन्धान चलिरहेको बेला शिक्षामन्त्री कृष्ण गोपाल श्रेष्ठले हिरासतबाटै गाडीमा हालेर घर पुर्याएका थिए ।

 

photo

NOC1-250x300