पुष्पकमल दाहाल : मनमोहन, केपीजी र मैले नयाँ रेकर्ड बनाएका छौं

 नेकपा माओवादी केन्द्रका अध्यक्ष एवं पूर्वप्रधानमन्त्री पुष्पकमल दाहाल ‘प्रचण्ड’ले मनमोहन अधिकारी, केपी शर्मा ओली र आफूले नेपालमा केही रेकर्ड बनाएको बताएका छन् ।

56782199923897989_2014857185466173_1303101405_n

शुक्रबार वाइसिएल नेपाल र युवा संघ नेपालको संयुक्त भेलालाई चितवन क्षेत्र नं. ३ मा  सम्बोधन गर्दै अध्यक्ष दाहालले भने, ”नेपाल जहिले पनि राजनीतिक स्थिरताको भूमरिमा पर्‍यो । धेरै सरकारले नेपालमा विकास र समृद्धिको पहल गर्न सकेनन् । तर, कमरेड मनमोहन, म र केपीजीले नेपालमा केही नयाँ रेकर्ड बनाएका छौं । हाम्रो नेतृत्वका सरकारहरुले जनता र राष्ट्रको पक्षमा अरुभन्दा राम्रो काम गरे र रेकर्ड बनाए ।”

७० वर्षदेखि भूमरीमा परेको देशलाई स्थिरता दिने जिम्मेवारी आफूहरुको काँधमा आएको पनि उनले बताए । दाहालले भने, ”हामीले नै देशको जिम्मा लिनुपर्छ । कम्युनिष्टहरुको बलियो एकताले मात्र बहुमतको सरकार दिन सक्छ, राजनीतिक स्थिरता दिन सक्छ। अनि, विकास र समृद्धिको नेतृत्व लिन सकिन्छ ।”

 

photo

NOC1-250x300