पिताको अन्तिम संस्कारबाटै खेल खेल्ल आतुर खेलाडी

rishav-pantaएजेन्सी । दुई दिन अगाडि मात्र युवा क्रिकेटर ऋषभ पंत पितृशोकमा थिए । तर उनी शोकमा पनि विचलित नभइ पिताको अन्तिम संस्कार गरेलगत्तै आफ्नो टीम दिल्ली डेयरडेविल्सको लागि खेले । यतिमात्र होइन, उनले ३३ बलको सामना गर्दै अर्धशतक समेत बनाए ।

उनले एक शानदार पारी खेलेपनि शेन वाट्शनको कप्तानी रहेको आसिबीले दिल्लीलाई १५ रनले पराजित गर्‍यो । दिल्ली ९ विकेटको क्षतिमा १४२ रन मात्र बनाउन सक्यो । अन्तिम ओभरको पहिलो बलमा पवन नेगीको हातबाट पंत आवट हुन पुगे, जुनबेला खेल जिताउन ऋषभ नायक बन्न सक्थे । उनको उक्त शानदार पारी जितका लागि पर्याप्त हुन सकेन ।

शनिबार ऋषभले आफ्नो पहिलो बलमा नै छक्का हानेका थिए । उनी बैंगलोरविरुद्ध जमेर खेलेपनि दोस्रो खेलाडिको राम्रो साथ मिलेन ।

१९ वर्षीय पंतको पिताको बिहीबार मृत्यु भएको थियो । उनी अन्तिम संस्कार सकेर शुक्रबार टीमसँग जोडिएका थिए । बताइएअनुसार उनी अभ्यास खेलमा पनि भाग लिएका थिए ।

 

photo

NOC1-250x300